期待已久的結構超聲波日終於來了! 已經有個幾月無見過B仔, 一定大左好多。今次還會知道性別, 好興奮。
最近有位同事說我會生仔, 因為個鼻大左?? 輝又成日話一定係仔?? 我的肚尖的, 有D 人話會是仔。但我沒有生暗瘡, 皮膚幾好, 可能是女?? 男或女都好, 其實今次結構超聲波最緊要是照BB的器官有沒有先天性的缺憾...
約了2點在中環看醫生, 是一名博士醫生, 連我的私家醫生也說他是數一數二照結構的, 前幾天在網上SEARCH過評價, 說他照幾分鐘便照完, 有人不高興, 有人覺得因為他專業, 快而準。其他醫生有D照20MIN, 我經理還說照了45MIN!
我們早了15MIN到達, 個診所好大, 似醫療中心多D, 同另一位醫生合伙的, 叫產前診斷中心。登記了資料及REFER的醫生, 報告會FAX番俾佢。原本好多人, 但叫人叫得好快, 幾分鐘便一個....我會等了約30MIN便到, 是最後一個。
入到走廊有幾間房, 好大。一入去就上床, 不須問診。姑娘SET好機, 放隻DVD, 醫生便入來, SAY聲HELLO, 便問
"男定女?"
"唔知呀"
"咁即係女啦。之前照唔到多數係女"
唔知點解我的心呆了一呆, 好失望, 但都要金睛火眼睇呢住個MON的超聲波。剛話畢, 即刻開始照, JELLY是暖的(以前都是凍的) 。
醫生一放落去就照了重要部位, 是GIRL!
接著是鼻骨, 唇。"沒有兔唇" 他說。
見到鼻孔, 好得意, 似邊個??
再來是腦, 量了SIZE, "腦入面的組織正常"。
接著心臟, 見到跳得好快, "心臟好靚"
腳板, 無事。
背部的脊骨和腎, 無事。(好似田雞)
手指, 又過關。
最後由頭再來一次, 照埋橫隔膜, 見到佢郁手郁腳, 再次確認所有器官無事。醫生最後說呢家大約 1 LB, 所有正常。沒有講BYEBYE, 他便閃走了。
因為太快, 同埋佢講野好細聲, 佢講的器官我都唔係好睇到就過, 唔知佢照到又點, 只是知道正常!!
出去俾錢, 10分鐘盛惠$1500。好快就有8張相和DVD拎走。原本報告是給私家醫生看, 但我問可否給一份我, 我心想下次見私家可能要一月中了, 姑娘說要等多10MIN, 沒有問題。
有隻DVD好好, 成日都可以見到B仔, 同佢郁來郁去。好彩有份報告, 原來匆匆10MIN其實已經睇到好多野, 返到屋企查字典....
------
預產期: 19-4-2011
周數: 20W4D
胎兒是FEMALE
頭臚直徑4.86CM (20W5D)
頭的圓周17.66CM (20W1D)
腹部圓周16.18CM (21W2D)
大腿骨長度 3.22CM (20W)
上臂骨長度 3CM (19W6D) - 即係B係短手腳, 但大肚腩的?
所有數據都符合周數, 羊水量正常, 胎盤沒有外置和低, 胎兒腦部, 四肢, 心臟, 腹部, 腎, 膀胱, 面和脊骨都正常。臍帶中還看到兩條動脈和一條靜脈。
超聲波顯示沒有唐氏綜合症或其他染色體不正常引致的的徵狀。原來照腳指和手指都是睇下有否唐氏B的問題。鼻骨有4.7MM (正常>2.5MM)。
報告可以偵測到80%的胎兒結構缺憾及70%的唐氏B。
------
我問輝有沒有唔開心, 因為是女, 他說最緊要健康! 估唔到唔開心果個係我呢....驚奶奶果D會唔開心, 但都係唔開心左一陣啦, 見到街上的BB女都好得意, 同埋女可以幫我做家務和同我一齊焗面包。
講左俾我阿媽, 估唔到佢想要仔?!!可能因為佢兩個都係女, 未抱個男B? 但我爸就無野。奶奶呢, 未見到佢地, 但電話中似乎無野, 佢之前都話無所謂。
知道性別, 可以開始買野喇!!!
沒有覆診的日子, 平日數住胎動次數來知道B仔的情況。這星期有時做緊野都動, 肚仔痕痕。幅度好似大左D, 有時好似打筋斗咁?!
琴晚睇J2 KAWAII TV, 見到D日本MODEL, 個肚突然突左一舊出黎少少, 好似突個頭出黎咁, 有舊野頂住個肚皮, 好古怪, 慢慢又收番, 唔似平時跳彈咁.
下星期六便照結構, 知道性別喇....唔通佢係男仔?
奶奶說仔女都無所謂, 我都無所謂, 女仔一點也不比男仔遜色。輝想是男仔, 我想老爺都係....是傳統的人。我爸媽我沒有問, 就算佢都想點, 我地都會唔因為結果而唔開心.
星期六聽完講座，搭輕鐵第一次有人讓座俾我，但周圍都有大肚婆，肚比我還大，有d唔好意思。自懷胎而來, 家務我已經唔駛做, 包括吸塵, 抹地, 洗碗, 沖水, 晒衫等等, 真係好嘆, 多謝輝, 但還要煮飯, 抹下塵, 無人時都要晒衫~
記得馬仔本我的低能湊B之道講: 結婚是女人做一日的公主, 懷胎是女人做十個月的皇后, 一生左後便要做一世奴隸, 所以我要好好享受這幾個月做皇后的日子, 在家在公司都乜都大晒~
第一胎的胎動多數會在20W發生, 從討論區睇到有D MAMA未到20W已經有胎動, 第一次的感覺像有個氣泡在肚裏爆了, 在平躺的時候最容易感受到。前一天睡醒時平躺, 感受到一兩下, 但也不太確定, 總之不是腸動或胃咕咕的, 那就是肚吧。
生日這天, 睡醒又平躺, 將手放在肚皮上靜心感受, 初時只感覺到自己的心跳, 突然有一下肚中有些東西動了一動, 很輕微, 這就是胎動!! 叫輝也放一隻手來試下, 等了一兩分鐘, 他也感受到了, hehe!! 可能待20W到時, 坐著企著也會感覺到。
生日, 首先去了大快活吃豐富的早餐。在家吃了午飯, 收到生日禮物!! 孕婦哺乳睡衣, 還有乳墊和儲奶袋送, 幾時買的呢??
之後便去醫院聽講座, 上星期講麻醉, 因懶惰沒有去聽, 今次講分娩過程和產房簡介。講的內容比上次莊生的詳細, 而且有位醫院婦科醫生講, 好多人發問呢, 第一次生真的要聽下。但第一次要陣痛超過10小時, 不敢想像。
晚餐原來要出去尖沙咀, 到帝苑酒店吃米芝蓮1星越南菜。有人說每次生日都吃西餐, 所以今次要吃越南菜。我們點了米芝蓮套餐, 有春卷小食拼盤, 大頭蝦, 海立魚, 酥皮牛腩, 蝦醬通菜, 生牛肉河和西米露, 吃套餐便可一次過吃幾款菜。
全部都好味, 牛腩不是太諗, 不像同時食的牛腩河。生牛肉河的牛肉片好味, 西米露的芋頭溶晒。
下年生日就要攜B出街了!!
10月6日 12W6D 聽心跳
今天上午第一次去健康院檢查, 量體重, 驗小便, 見姑娘, 見醫生, 抽血, 等下等下, 三小時才完成。健康院無得照超聲波, 但有得聽胎心聲, "FA" "FA"聲, 好得意。原來健康院有得寫一日病假紙, 但下午都要返工。
10月23日 14W5D 9.11CM
差不多一個月沒有見B仔, 今日去看私家醫生檢查。可能今次B仔大左好多, 照超聲波都照了超過5分鐘, 好開心。首先知道長度8.89CM, 再量大脾骨 1.44CM, 是全身最長的一條骨, 再量頭頭顱2.9CM, 最後量多一次長度, 9.11CM。
根據這個長度, B仔是14W5D, 但頭只有14W咁大, 醫生話爭幾日唔緊要。今次B仔終於似人形, 還看到少少輪廓。
最後因為醫院和這位醫生本身無得照結構, 問了他可以去邊到照, 他說個人認為照結構好重要, 還介紹了中環的林醫生, 說他的女兒也是那裡照的, 之後我立刻打去BOOK 12月6日20W多去照。
之前再網上看到有醫生收費$700-800照結構, 但已FULLY BOOKED, 煩惱了一輪, 這個林醫生要$1500 , 其實是正常的價錢, 又CONFIRM好一件事。
10月30日 聽講座
今天去了屯門醫院聽產前講座, 是第一講, 由兩位助產士學生講產前護理。有部份資訊在單張和健康院的VIDEO都看過, 但知多點到時真係生時點樣入院等等, 都唔錯。每個星期六都可以去聽, 下星期是講分娩過程。
終於過了三個幾月, 胃口好左, 變番一個正常人, 肚還不很大, 這是懷孕的蜜月期。
9月17日 9W5D 2.8CM
因為這星期休假, 將原本一星期後第一次去屯門醫院準備度頸皮的期改做今天。打電話去問原來第一次去是聽講座和看B仔進度, 是否將會夠11W去做檢查, 所以改早D都得。
去到醫院, 都有十幾人, 好多人早到, 行快一步, 拎到頭幾位。首先聽有關呢個叫唐氏綜合症檢查的原因, 咩係唐氏, 如果初期檢查是有事, 就要點樣, 這個檢查亦是自願性質。呢個檢查係今年7月先全港免費提供, 之後自己做都要1000元。
跟住又等見姑娘照超聲波。政府的超聲波機比私家醫生那個還清楚, 還可以在面前一個大電視睇, 唔駛睇姑娘的細MON。主要是看到B仔心跳和量長度, 今次是2.8CM, 之後便即刻約了9月29日回去度頸皮。留了個多小時便離去, 第一次去醫院的印象都不錯。
9月20日
久休後上班, 每天也是乘地鐵由元朗站企到觀塘, 80%也是沒有位坐。今天企到鑽石山/彩虹站覺得好焗, 立即脫下口罩和外衣, 幸好站在門口的位置, 背後有依靠。但可能近門口開關, D 空氣好熱, 焗了一會便流冷汗, 好暈, 眼矇矇, 好想坐低, 唯有耷低頭休息, 差不多去到牛頭角站, 終於睇番野, 但真的汗流浹背.....好驚暈低了會弄傷。可能太久沒有去多人又焗的地方。
9月27日
一路以來都無乜嘔, 試過嘔3 次, 都係因為食得太急, 而且係一D唔想食的東西, 例如大大粒的維他命丸和淡淡的麥皮。
這天又是星期一, 又在差不多彩虹站的時候又暈, 這次已經沒有戴口罩, 驚太焗。今次持續時間更長,離開了牛頭角站, 還是眼矇矇, 心想要繼續搭落去下一個站, 還是怎樣呢? 幸好差不到站, 終於看到少少, 可以跟人潮下車, 到了月台逐漸清醒。回到公司, LUNCH時查到大肚婆暈都是因為站得太久, 又焗, 最好吃粒糖, 坐下。於是我便去了買得力素旁身, 輝還迫我要改還坐村巴上下班, 放棄我的西鐵月票任搭。
9月29日 11W5D 5.1CM
今天請上午的假去醫院度頸皮, 首先秤重, 無重過。等姑娘照超聲波, 終於又見到B仔, 今次有5.1CM, 很乖, 位置正確, 一度便度到。頸皮厚度正常, 即係通過了第一關, 詳細要抽血先知, 所以有事2星期內會打給我。今次照得好詳細, 姑娘還給我看頭, 腳 (好似青蛙), 手指, 腳指, 但暫時看不到性別, 她說要20W去照結構便知道。雖然無得PRINT張超聲波出來, 但都好詳細, 如果先生有來也可以一同看 (因為間房大私家好多), 所以政府的設備都幾好呢。最後行去隔離座抽血一枝, 走得, 也是一個多小時完成。
9月30日
今晚大家放工去探經理的初生BB, 個多月大的BB女, 我都唔敢抱。經理叫我不要抱, 我以為驚整親我, 後來上網看到是因為怕肚裏的BB會小氣?! 經理再恭喜我, 其實好多同事因為我請假一星期已知道這件事。
8月7日 半夜的發現
因為從前的姨媽反復問題, 在6月時看了醫生。醫生問想要BB嗎? 其實想要,
但沒有實際計劃, 但又不想吃避孕藥, 所以答想要。醫生便開了排卵藥和教
量基礎體溫。
每天量體溫令自己更清楚身體的變化, 到了第二個月, 看著體溫升高後過了
日子還沒有再下降, 而身體漸漸起了變化, 已猜到結果。
應該是這晚, 半夜都肚痛醒了, 的起心肝半夜拿了棒棒出來, 果然是兩
條線, 因為一深一淺, 再仔細看了說明書, 深淺是沒有關係的, 果然是中了
。那一刻第一個反應是"唔係卦", 我要當媽媽了?! 可能太快了, 有些人試
了整年也失敗的, 但我們2個月便中了。忐忑不安的回到床上, 不知好不好
吵醒輝, 所是只用手指"OUR"他手臂, 他很快便醒了。我說: 我有B了, 他說
:唔信, 呃人, 我再重覆多次, 說驗了, 為了証實, 帶了他去垃圾桶找回棒
棒, 是真的, 他很開心, 之後便繼續睡覺去。
因為人家說要再驗, 2天後, 也是兩條線。因為還有幾天才到覆診日, 我們
等到星期六才去見醫生。
8月14日 第一次照B 4W多
見醫生, 姑娘初步問診, 知道我驗了2次, 是有B了, 還恭喜我們。入去見醫
生, 這位醫生一向冷淡又有點惡, 可能行醫30年, 見人太多。看姑娘的記錄
，第一句便冷漠地說: 有咗啦!入去照下有無宮外孕。
照了照，看到胎水，0.61cm, 4w多d。見到B仔真的開始了, 心情有點興奮。
因為醫生說因為本身的問題, 驚唔穩定, 開了安胎藥和葉酸,10日後再回來
。
之後跟雙方媽咪一齊飲茶, 公佈了, 99應是很高興, 媽反而覺得太快了。
8月24日 第二次照B 6W5D
10天後, 請了半天假去覆診。B仔已經出現了, 0.54CM, 有一點閃下閃下,
醫生說有心跳啦, 原來那一點就是心跳。
9月11日 第三次照B 8W6D
過了兩星期多, 今次B仔已經有2.13CM, 生多很快, 還是閃閃, 一切安好。
醫生說可以停安胎藥了, 還開始服孕婦維他命。突然問起BOOK了政府未,
11W要度頸皮, 我根本就不知道要咁快BOOK....什麼是度頸皮呢?? 回到家立
即SEARCH資料, 原來是唐氏的測試。
胃口變差, 超多胃氣, 晚餐只能吃半碗飯, 菜要好軟先食到.......覺得99
的菜突然好難食.........
9月12日 駭人的發現 9W1D
星期日, 巨星總決賽。發現有啡色分泌, 真係嚇死, 之前網上看的多, 流啡
流紅是小產的徵兆, 要看急症嗎? 還是看看情況嗎。
擔心了一整夜, 第二朝, 決定請假去看醫生。趁著這個朝早, 我即刻去了健
康院約第一次去屯門聽OSCAR的講座和約了第一次產檢, 才出去看醫生。
又問診, 姑娘說: 只流了一次? 醫生一見到我就說又係你?? 照了照, 醫生
指著一點說可能是出血的地方, 醫生問我見唔見到心跳, 我說唔見唔到, 他再放大, 終於比較見到似條蟲的B仔。再次要用安胎藥, 還寫了1星期的病假在家休息。
於是便開始了一連7天呆在家的日子, 又唔可以出街!! 除了晚上去99家吃飯
。 (但到了第4天, 我都忍不了去了圖書館)
第一天已告訴二經理有B的事, 第二天正在放產假的經理還打來慰問我, 真
的很感動。
是日兩點多的飛機, 因為resort遠離市區, 早3小時便出發了.
早上吃過自助早餐, 爭取最後時間去游泳!! 最後一天, 天氣最好, 從露台看到海天一色的美景, 要跟沙巴講再見了....
去到機場, 已經第4次來!! 入閘, 在air asia的候機室買了唯一在沙巴的手信, 雪條兩盒。
蜜月旅行完滿結束!
在度假村的第二天, 安排了一系列活動, 豪玩豪食。
首先吃了自助早餐, 之後就出發去呢個RESORT自己搞的一個猩猩保育區參觀。
首先要行一小段山路, 去到一個平台, D導賞員會叫隻小猩猩出黎, 沒有籠, 沒有圍欄, 猩猩就在樹上搖來搖去, 但始終在樹頂, 牠也沒有下來吃放在旁邊的水果, 看了半小時, 都有少少悶。後來部份遊客回去, 留下我們繼續去玩吊橋的一些人, 隻猩猩先肯落黎, 牠真的怕人群呢~
之前是第二節活動，由導賞員沿途講解沙巴土著以前用的捕獵工具，不過條山路好多蚊，用蚊怕水都無用，幸好我穿了長褲，不要便成了蚊的早餐。之後我們走吊橋，好短的。
回去休息一會，因為早餐吃得太飽，雖然差不多中午也沒有肚餓，我們便去泳池游泳，又出去沙灘玩浪，玩多個多小時，還在池邊叫了漢堡飽作午餐，第一次在池邊食野，好似好歎。
又回房休息下, 差唔多夠鐘就出發去玩黃昏騎馬。book果時已然知道會有另一pair一齊, 問我地介唔介意, 其實都無所謂啦. 集合後帶我們去馬房, 上馬, 之後就有一個馬伕拉著我們出去。另一pair是外國人, 外國女仔那隻馬好搞笑, 一行就停下來去小解, 第一次見馬小解, 知道牠們真的飲好多水.
馬伕都教我們一些簡單騎馬技術, 酒店的沙灘長2km, 自己走有排走, 騎馬是一個不錯的方法, 還遠眺到神山。去程由馬伕領住, 回程他放手, 給我們自己試騎, 其實隻馬自己都會走, 但可試下令牠向左向右走...活動完畢, 都幾累, 因為坐在那個馬鞍上太硬了
又到晚餐時間, 今晚我們不想吃自助餐, 吃了印度餐廳. 一去到, 侍應便給女士的額上貼上印度女子的紅點 (後來照鏡看不慣, 覺得好像額頭出血..)
我們點了虎蝦 (唔記得什麼醬汁), 總之好味.
還有羊肉咖喱加薄餅, 薄餅好香, 好食, 全餐都好多香港重慶多多聲。埋單仲平過前一晚食自助餐......早知唔食自助餐啦.
叫了一杯甜奶, 加八角和杏仁, 甜甜地好好味!!!
是日最後一個活動是去做spa, spa中心在酒店golf club那邊, 有專車接我們去。我們選了一個兩人spa, 包全身massage, body mask, steam, 咁大個第一次豪做spa, 做完真係好舒服, 全身滑晒。做massage期間, 我已經睡著了, 她有沒有按也不知到, hehe
