今日又去檢查, 約了3:30PM, 有時間係屋企食飽飯先再出去, 約呢個時間都唔錯, 因為人少D 。
去到驗尿、血壓、秤重, 重61kg! 相距兩星期, 重了0.5KG, 唔錯唔錯。因呢兩星期食左好多甜野、垃圾野, 以為會肥左添。量血壓期間可能個姑娘好無聊, 問我執好袋未, 同埋係咪仔, 但估錯左。
跟住係姑娘摸肚, 佢話頭仔落得好好, 好O岩位, 聽左都好開心。跟住我問佢右邊係咪PAT PAT, 真係呢, 左邊係膝頭, 因為呢兩個位成日突起, HEHE
最後見另一位姑娘, 今次無野講, 寫番記錄就OK。但我要拎SICK LEAVE紙, 等醫生又等左十幾分鐘, 跟住等D文員姐姐影印份報告又十幾分鐘, 成間健康院D人都差唔多走晒.......當時只係4:30。
因為兩星期後係清明, 約左4月8日 (39W1D) 再去, 希望睇埋呢次先入院啦。
踏入第37周, BB足月喇!! 仲要番多一個星期工, 希望B女 39-40W先出黎捱世界啦。
3月24日
呢排都要KEEP住留意胎動, 今日好似感覺胎動少左少少, 夜晚返到屋企, 時不時拍下肚, 叫B女起身。臨訓平躺係床上玩肚, 突然有一下唔知手定腳踢到好高, 我見到有差唔多一寸突出, 再向左移動, 嚇死人呢!! 輝見唔到, 拍下佢, 之後再來一次, 但今次無咁高喇.....但果一下, 我的肚好似要爆出黎咁, 好唔舒服。
唔知係咪轉左頭仔, 胎動都有PATTERN, 通常都係肚臍右邊突出。呢家每晚都玩下肚, 呢D日子越來越少喇。
37W, 個肚大左好多, 幸好, 仲訓得好, 但便便的能力真係一落千丈, 成條腸好似郁唔到咁....
3月25日
今日同事預先同我食一餐FAREWELL, 其實我都唔知佢地知唔知我會唔做呢.....工作量逐漸減少, 下星期主力HAND OVER....
今晚玩肚, 輝聽到B女好快的心跳, 可惜我聽唔到....
----
這個星期上網買左條餵奶巾, 花巧野, 如果出街埋身餵, 就要一條OR至少一塊巾。$140, 有兩盒儲奶袋送, 儲奶袋都係作不時之需。其實都係一塊花布, 如果有衣車, 可以自己造添~之前買哺乳衣送過一條, 但就比較厚身D
人地示範用: http://www.lum-smart-family.com/detail.html?product_id=cf929a1d44dccc457ca1090e5204724d
餵奶巾比較: http://hk.myblog.yahoo.com/jw!vwjUkOuaERnkjBOemraoj98agA--/article?mid=10
總結我現有的餵奶裝備:
- 哺乳出街衫, 哺乳睡衣, 哺乳BRA- 2套
- 即棄乳墊2盒; 可洗乳墊6對
- 電PUMP一個
-儲奶袋 2盒
- 餵奶巾
-奶樽3個和奶樽刷
-後備奶粉數罐
最緊要當然是BB
今日係19日, 距離私家的預產期剛好係一個月。
咁快就到36W, 總結來說, 雖然都經歷左一D驚險的時期, 但懷孕期都算過得舒服, 無乜嘔過, 呢家夜晚仲訓得好好, 雙腳人地都話無腫 (自己就知大左D), 希望餘下時間都過得舒服平安。
有D人話好唔捨得BB係肚入面, 但我就想快D到40W, 見到BB。
物資上已準備好, 心理上當然最怕生產時唔知會點.......諗起上次去醫院訓上果上個張產床都有D驚....
仲有究竟餵唔餵到母乳呢, 呢個我諗係最大的挑戰。
頭一個月無得訓唔知點捱, 平時訓少D都好辛苦!!
希望可以有毅力, 堅持!!
今天回到健康院做檢查, 約了3點, 怎知道5點才離開。
首先是量體重, 60.5KG, 比兩星期前重了1KG, 進度良好。血壓小便正常, 接著以為是姑娘摸肚, 原來今次是見姑娘講入院準備, 等姑娘等了30MIN! (阿姐還說這是快籌, 因為SKIP了摸肚).
見姑娘, 派了關於嬰兒成長和教育的小冊子, 一張入院CHECKLIST (上次醫院已派了) 和將來回健康院前要填好的BB資料表。聽姑娘講解, 說要預先準備好有扣衛生巾10條, 紮好繃帶, 我聽完都不太明白怎樣紮, 網上媽媽也是說醫院阿姐會幫手....
接著原來由醫生摸肚, 又等。醫生確認BB轉了頭, 我問她手腫, 只要不是痛到死就OK。又問是否有得驗B鍊球菌, 政府不提供這個服務, 問了她有菌的徵狀, 應該沒事, 不用專程去私家驗...
又等, 等到又見回剛才的姑娘, 原來說上次醫院照超聲波報告寫錯了我最後來經日期, 所以要抽起那張紙FAX去醫院改, 其餘病歷可給我帶回家, 因為BB隨時會出世。
下次再到健康院是兩星期後, 已經37W!!
回到家, 美素佳兒的人放了兩罐奶粉在管理處, 連之前雀巢能恩的兩罐, 共四罐作不時之需, 已將它們放到高櫃, 一D都唔想用!!
很多媽媽都搶購日本嬰兒用品, 聽聞連尿片都搶埋, 之前只想用日本的濕紙巾, 呢家都唔駛諗。暫時屋企只有PAMPERS係日本製, 但唔用PAMPERS可以HUGGIES吧!
嬰兒用品買得7788, 最後便看看BB玩具, 又開始新一輪的集體淘寶, 主力是BB布書, 少少玩具....第時24小時對住B女, 就要陪佢玩+教佢喇。
因為床鈴太貴, 在YAHOO買到一個二手的Fisher Price, 款應是舊的, 在荷花有見到, 但在官方網頁已經找不到了。新的床鈴特價一般約$430, 我這個只售$160, 因為有一隻公仔唔見左, 上手換左隻POOH, 但其他功能正常, 最好是可以元朗交收。
床鈴這個玩具只可玩到5個月, 百幾蚊算是可接受的價錢錢。有投射燈, 6首音樂, 都幾得意。
2月28日
琴日又咳醒幾次, 一張口就咳, 決定請病假休息一日, 快D好番!! 今日再一次執下走佬袋, 爭少少野未執, 遲D要執埋BB出院果袋.....上網睇話新買枝頭髮乾洗劑無用, 好想退貨換錢....
又洗左D BB衫, 仲要洗多1-2次衫、尿布和HIGH CHAIR的套.
3月1日
休息左一日, 好番少少, 半夜都係咳醒....
今日阿姐同我講, 我的LAST DAY會係產假前一天 (5 Apr), 產假會照有, 剩番的年假會俾錢我~ 實在太好喇, 我估唔到公司會咁好人唔跟勞工法扣前架...如跟勞工法, 產假開始時我已經唔係公司的員工, 我唔會享有產假...
3月2日
終於等到今日去醫院照BB喇, 今次去產前超聲波部, 約左下午, 遲放工遲左少少先到, 但等左45MIN就到我。
原來由醫生照架, 是一位女醫生, 又係度頭、大腿和肚, 佢話胎盤無低, 叫我唔駛擔心, 一陣姑娘會同我講BB幾重。好快就照完喇....襯住抹肚JELLY的時間, 我努力睇個MON的數字, D數字都未夠34W (跟私家預產期我今日係33W2D), 腳的數字係75%....
姑娘同我講B女呢家2KG, 係中碼大少少, 太好喇~
我一心諗住問BB幾重, 唔記得問調左頭未, 睇超聲波的位置就同之前一樣.....等聽日見醫生先再問啦.
3月3日
今日下年又去醫院, 見醫生講解琴日的報告。體重59.5 KG, 比2周前重了1KG, 進度好好。
約兩點等左一個鐘到...今次個女醫生好似好惡咁, 講番胎盤已經無低, 上床有個姑娘聽胎心跳, 跟住醫生過黎按下肚。
我問她調左頭末, 佢話頭呢家向下, 即係調左頭喇, 可以順產, YEAH! 之後的檢查係約兩星期後返健康院........41周仲唔出黎先入醫院
因為仲咳緊, 本來想問佢睇唔睇咳, 自己唔駛再去睇普通科, 但感覺太惡, 都係算喇.....
拎番份病歷回家, 睇到琴日的超聲波結果~
首先, 琴日已經照到調左頭; 羊水正常
頭: 82mm =32wks
腹: 281mm = 32wks
大腿: 61mm = 31 wks (原來腳係短少少, 琴日睇錯)
重量: 2075GM 50-75% (所以係中碼大少少)
仲有6WKS, 走最後直路喇~
