精力旺盛 (28W)

呢個星期又叻左喇~

食野方面, 開始係粥入面加菜。已試吃節瓜、甘荀、蛋黃、薯仔, 水果就有富士蘋果, 華盛頓蘋果, 香蕉, 牛油果。最愛香蕉, 其他一食即刻變苦面.........

多數食10MIN就坐唔定大叫, 抱吃佢可以食多幾啖, 最佳食左一個大人碗粥加菜.....試過唔餵奶, 捱到3小時, 因為出街無喊, 試過即刻餵奶都飲, 唔知幾時先代到一餐, 慢慢黎啦!!!

10.22

今日又去拎淘寶貨喇, 我地3隻456月的BB又聚首一堂~ 

我隻B搭車無訓, 去到認地方就喊喇.....一放低就喊, 好痴身呀~ 好想佢同其他BB玩下嘛.....HEI HEI年紀最細, 但份量最大, 仲好乖添.......!! 對其他人的喊聲充耳不聞~~

下次見大家又大個一D喇~~~

淘寶收獲之一:

99話係馬, 婆婆話係狗的POOH仔!

淘寶收獲之二:
carter's 12M衫, 但我粒豆豉呢家都O岩著............晒左

10.23

今日爸爸揹BB出街, 咁我行街可以睇下野, 試鞋添!! 生完雙腳大左, 咩鞋都頂呀....

我第一次在BB睡覺的時間, 落去平台跑左個圈, 做左一陣運動雙腳就好累了~

10.24

PETIT開倉正正在爸爸公司樓上, 掃左6件衫, 12M , 18M........$100 3 件, 抵呀~~~~~ 爸爸第一次買衫俾果囡~



====

嚇人睡姿1:

咦,  點解有隻腳................

咁都訓到呀~~~

第一次趴住瞓左.............40MIN

嚇人睡姿2: 

隻手唔累咩????????

坐下先

叫佢訓覺係都要周圍郁~~仲識望門口同抓低床圍望!

識轉180度.......用玩具引佢

6個月啦 (27W)

時間過得好快, BB已經半歲了!! 

開始食固體1星期, 已經食了兩日無味白粥了~ 食左一星期米糊, 杰杰的, 試過一日頂到差唔多4小時, 就轉白粥喇, 但呢家食5MIN就唔耐煩, 唔知係太餓定眼訓, 抱住食又食多少少, 其實食左半碗白粥對BB黎講應該飽卦, 點解喊呀...

食完情緒都唔穩定, 想喊咁, 忍唔住餵奶, 食一陣就訓著了, 可能平時食奶有人抱又可以訓下, 食固體要坐定定, 無得合埋眼, 仲未慣..要繼續努力, 好驚操之過急, 怕左食野........

唔知係咪撞彩, 識用吸管, 飲左2OZ 水, 但之後果日就唔識吸, 定唔想飲~~

試吃富士蘋果, 可能太酸了

試吃香蕉, 手舞足蹈

檢討:

體重: 6.15KG 好開心, 升番上3-10%.....!!

身長: 64CM, 估計

食奶: 1日5-6次, 食30-40MIN, 食1邊, 另一邊食少少

睡眠: 仍然日間小睡3次, 呢家有時訓45MIN - 1.5HR就醒, 

夜奶: 食米糊後期6點幾先醒, 但呢兩日又食番一次, 四點幾. 

大小便: 小便5-6塊, 大便最多隔兩日一次. 食左固體暫時對大小便無影響

發展: 
趴係度識轉90度
食到腳趾, 但唔係成日食

坐得越來越叻, 姑娘都話坐得唔錯

雙腳好有力

====

10.13
今日係爸爸生日, 出去買左元朗出名的芒果蛋糕, 順便慶祝半歲。

夜晚6299都一齊, 但原來佢地唔知個仔今日生日囉.................個CAKE好抵, $105 一磅大大個, 好味~

10.14
今日半歲, 但無特別慶祝~

10.15
第一次, 我離開我果囡, 自己出街, 是相隔最耐, 離開佢最遠的一次, 因為中學同學結婚, 係尖咀擺LUNCH BUFFET。無帶BB去, 因為驚佢扭眼訓喊, 咁就由老公自己湊2小時多!!

請帖話1點開始, 我餵完奶, 放佢上床訓, 搭車途中打電話問已經訓左.

以為準時開始, 點知1.30先律師証婚, 但我1.45要走啦, 返屋企餵奶. 果然1.40老公打黎喇, BB醒左仲開大添!! 要由佢第一次換片, 仲要係大大..HAHA...

最後BUFFET咩都食過, 又無咩時間同D 10年無見的同學傾下....

返到屋企BB好乖坐係HIGH CHAIR喎~~ 夜晚老公餵糊仔, 仲逗到BB咭咭笑添~~似乎老公湊女都唔錯!!

10.17
今日打3針. 

扭眼訓又夠鐘食奶, 未打先喊, 一打再喊, 喊住走去餵奶室............餵奶都止唔住, 餵餵下仲要隔離有電鑽聲, 即喊呀~~~~~ 幾辛苦先餵完餐奶. 

見醫生, 好開心體重有進步, 話要快D食粥, 有肉有菜, 令佢增磅!! 問有關夜奶, 頭先姑娘話唔好再餵...但醫生話照餵, 因為佢細粒, 遲D夜晚8PM餵餐粥, 令佢飽D, 話有D BB 1 歲先可以訓到7, 8 點~~~~ 

要半年後先返去喇, 呢半年, 要由食奶奶改為一日3餐固體, 好有挑戰!!

開始固體食物 (26W)

還有一星期便6個月, 因為6個月那天是星期五, 而我星期六有節目, 第一次吃固體想跟爸爸一同見証, 所以提早5天開始!

10.9
本來想中午吃奶之後試吃, 但99和親戚到訪, 所以改為下午那餐。99在的時候, 看到桌上準備了BB餐具, 好奇餵了水給BB渴, 飲一半吐一半啦, 我心中不是味兒, 始終不想只是餵水, 起碼待BB能以固體代一餐奶時才餵水, 但算啦, 都係幾啖~~

到下午餐時間啦!! BB食完奶奶, 我去準備糊仔, 買了ORGANIX即沖的試試, 爸爸幫BB套圍裙, BB以為是玩具呢~~ 

第一次, 沖得稀左少少, 但D人話由稀食到稠, 可能稀, 食得OK快~~ 本來想用人奶沖, 但餵完得番幾滴, 沖水算了~~

第二日, 我好似又沖得稠左少少, 到第三日先好似正常些...

有時會扁咀, 有時又唔肯張開口, 餵左幾日, 我自己都在揣摩中, 要努力觀察, 真像做實驗!! 希望不久就會食完一碗即沖, 就試自己做米糊/粥~~ 

====================

10.7
KOEY BB到訪~~


著靚靚見朋友

 

KOEY好乖, 黎到無喊喎~~到時BB想訓覺, 無耐就訓左喇, 所以同KOEY玩下玩具同影下相先~~ 

訓左1小時無端端喊醒, 唔理LU, 抱出黎玩~~ KOEY都差唔多食完奶奶, 但就開始認地方?! 喊得好勁呢~~ 靖都喊埋一份,

唔好喊啦~~~~~



未喊之前,  我地都好難先影到張合照....

10.8 
今日到我地出巡, 去探HEI HEI BB。HEI HEI雖然細靖10W, 但份量唔野少, 據聞有8KG喇!!! 

我最早到達, 放低靖無耐, 就喊了, 仲嘈醒人地HEI HEI添~~ 跟住靖食埋人地的牙膠, 好乖喎, 好專心食牙膠, 人地抱都好事~~~~~

無耐, 朋友一個個到齊喇, 仲有懷胎20W的, 是小龍女呢~~ 好高興~~ 我們的圈子越來越多BB, 將我地的AGE CURVE拉底唔少~

好耐無見的樓友, 帶了3歲的囡囡來了!! 小朋友就係好鍾意BB, 自己手中有隻BB公仔, 即係總共有靖, HEI 和公仔BB, 她要逐一幫他們訓枕頭, 蓋被, 照顧得好體貼........

當我們餵奶時, 也要入房看看BB食奶奶

當HEI HEI媽UM HEI 訓時, 又要看~~ 最後要走時, 話要留低照顧BB, 真係好得意呀, 唔知我個囡3歲時係點呢.......

因為無帶相機, 相片久奉!! 

=========

今個星期

食到腳指喇~~~~~~

自己坐到幾秒啦


仲好似想爬咁~~~~

依依呀呀 (25W)

呢個星期, 對噪音的敏感度又唔同左。以前聽到吸塵機會喊, 聽到爆仗聲會醒, 呢家無事喎~~ 但試下搭LIFT時有D人打呵欠好大聲, 即喊呀~~ 仲有, 炒菜落鑊SA一聲都噪醒左........

仲越來越多聲氣呀~~ 我扮BB叫的聲,笑成咁呀~~~~~  咁咪即係自己笑自己:)

呢張相好似好肥咁呀, 呃下人好

終於砌左張GYM出黎玩, 其實好似唔鐘意玩, 因為拎唔到D玩具落黎FING, 玩玩下真周身郁~~

仲翻身翻到出左界~

趴係度玩, 都唔玩得幾耐。

10.3

今日太婆壽宴, 太婆九十幾玄歲喇~ 因為住元朗的老人院, 所以我地係元朗的酒樓擺左兩圍, 最近係我地呀~~

叫醒佢食奶出門口, 一上的士就扁咀呀, 呆呆地。去到又認地方, 又認人, 又眼訓, 即刻去俾太婆抱, 個樣都好驚呀, 跟住梗係喊啦~

開飯, 抱住佢都OK, 放落車無咩。跟住無耐就喊, 仲有其他人抱下, 我都唔記得做左D咩喇...... D親戚又多意見, 有D一年先見一次果D好心過黎抱左佢出氣諗住透下氣, 咪喊到彎晒腰咁返黎........好耐無喊到咁喇!總之喊到我都想喊, 發脾氣, 好煩呀~\

食到條魚, 我抱左佢出去睇下魚缸, 先好DD, D 侍應又過黎問無奶咀食咩~ 我都唔想食喇, 又到9PM, 返屋企LU。出到街, BB就平靜番D, 上到的士喊下停下.....返到屋企就無事喇~~ 一食奶就訓著左, 食完又笑番喇~~ 唉~

我地仲要10PM食番個面醫肚呀.......要檢討下, 下次一路抱住佢可能喊得無咁耐...

----

著番之前淘的SOCKS

男兒的裝束

呢個HAIR BAND雖然係幾塊布都RMB13, 影相出黎又OK喎

另一頂帽, 太大了~~