手指指 (45W)

16 – 22/2

 

手指指 (45W)

 

今個星期, 繼續想企, 可以扶住企幾秒了.

 

另外, 開始手指指, 問BB燈燈係邊, 佢會望住燈又指住, 好叻呢~ 但再問媽媽係邊, BB依然指向燈, HAHA

 

早前買了兩個咬咬樂, 唔肯食。呢日再試, 咬左一陣, 但過幾日又唔要, 咬咬樂無用啦!!

 

 

17/2

 

因為舊同事多次提出, 今日終於去觀塘探下佢地同食LUNCH.

 

叫醒BB出門, 去到先食粥。第一次出街食粥仔, 好順利, 我想是因為滿足到佢貪玩怕悶的心態, 四周咁多野望,好乖就食晒D粥, 平日屋企太悶吧~

 

我就可以安安樂樂食LUNCH, 臨走經理抱抱BB, 發現瀨尿尿呢 (其實到埗時已摸到少少濕, 但又好似唔肯….), 唯有即場換片, 經理幫忙抱住, 一除片便請人家飲茶, 好唔好意思呢…….

 

經理又俾左一大袋BB衫我, 好多衫呀~~~~~~~~~

 

18/2

 

今日外出午飯後, 第一次由爸爸揹BB回家小睡, 我就去SALON剪髮, 好舒服呢~~ 剪了一頭短髮, 好方便, 不會掉太多頭髮, 呢排BB會拾起地上的頭髮去玩, 好DIRTY!!

 

19/2

 

今日大學同學GATHERING

 

諗住叫醒BB出門, 今次自己剛好醒呢…一到KOEY家才食粥, 又好乖啊~~ 不如以後出街食粥, 我就舒服了…

  

又見KOEY BB.

 

如常地怕生, 今日又多人, 要痴實媽媽. 熱身一會, 肯自己玩波波池和玩具, 好開心~~~

 

差唔多時候眼訓, 又趕回家食奶, 提早走了~ 果然一上車就睡著了.

10個月大 + 出牙仔 (44W)

9/2 – 15/2

 

(迫住BB的頭仔唔會郁)

檢討:

體重:上星期連衣服9KG, 這個月好像沒有增長..擔心辛苦儲下來的少少肥肥會慢慢消耗掉呢 (反而我自己就輕了3KG, 因為這陣子食量減少了!)

身長: 應該70CM

食: 1日5餐, 2 粥/飯/粉 3奶, MAX 1 大人碗, 食量有減無增

睡眠: 仍然日間小睡3次, 45- 1.5HR

夜奶: 有時半夜醒,
但不是肚餓, 盡可能不會餵夜奶

大便: 大便有時一日1-2次

牙: 疑似兩隻下門牙快要出來了!

 

發展:

-識拍手,
BYE BYE, 教錫錫但用額頭撞我們的額頭, 但會錫錫公仔的面面和鏡中的自己

-講BA,
DA, AR, AR BA

-想飲水會自己對準飲管飲

-見到揹帶好像知道有街街去, 會爬向我和尖叫, 笑笑

-這星期識自己食餅餅, 但給蕃薯不敢吃, 好像害怕拿滑滑的東西, 要發掘多些finger food

-暫時仍然跪高, 今天有一次雙腳扶著站, 但立即跌下來.

 

2.11

 

今日去行荔枝角吉之島, 好大啊.

 

還買了數件BB衫, 90碼, 下年冬天用, 20-40元, 好抵!!

 

2.12

 

今日BB第一次吃芝士, 不知是否未完全溶化太難食, 吃了一口後, 其餘的星星粉都不吃, 試了3次, 最後LUNCH只吃了1湯匙份量的粉…….激死我!!

 

之後小睡自己玩了個幾鐘都無訓…….夠鐘食奶奶就訓左!

 

之後兩天再食芝士, 表情都是怪怪的

 

夜晚食粥回復正常, 張開口時發現下排有兩條白色橫線, 應該是出牙仔呢! 但暫時無特別扭計, 流好多口水之類的表現.

過了幾天, 又扶唔到有牙突出來, 仍然是兩條白色橫線…

最愛餅餅

又食牙仔餅, 唔食! 

想影牙仔, 但談何容易...

 

 

 

跪高 (43W)

2/2 - 8/2

這個星期, 經常跪高去拿想要的東西, 下一步就是扶著站吧, 暫時雙腳都不夠力.

懂得推開電視櫃的趟門, 要加把鎖了.....




隔兩三天便半夜醒來, 有一晚自己再次入睡, 有一次渴了很多很多水, 之後抱著入睡, 幸好不是每晚如此.

4/2

今天上茶樓, 乖乖自己玩了個多小時啊.

之後又SHOPPING, 買了兩件外套, 下年都可繼續穿的.

5/2
今日一家三口去沙田逛街, 上一次一齊去沙田應該是還未生BB...

商場裝飾以春節, 情人節作主題

還去SNOOPY WORLD拍照, 原來周日有好多活動, 上一次在此拍照應該是超過中學畢業時............

未到吃奶奶時間, 先去宜家買了一個PAN, 再到商場的餵奶室, 剛好有位, 好幸運...否則, 要出動餵奶巾了.

但BB心野, 吃了10MIN就收工, 況且出面有人等...

沙田的育嬰室如果多一點就好了

5點幾便吃一個早的DINNER, 餵了水果便回家了!

BB話 (42W)

26/1 - 1/2


呢個星期好多野講呀, BA, DA, BU, AR, RA........不斷講, 一邊爬一邊講, 好得意! 但未講MA, ME, 好期待....

有時見到爸爸會叫BA BA, 當然係無意的.

仲好惡, 會鬧人, NG NG聲咁.

發惡果時, 伸直雙手, 握拳, 鼓起腮, 咪起眼, 好惡, 但好搞笑!!

要的玩具唔放手, 唔要就NG一聲, 用手撥開.......

開始好喜歡食星星餅, 見到我地搖餅罐就尖叫, 笑!!! 自己未識食就等人餵....

另, 開始食字母粉

自己拎玩具玩, 俾人發現添

1.28

我地終於開始拜年, 返娘家.

今日好乖, 雖然少見公公, 但都俾抱, 少喊啦

又去遊戲室玩, 玩滑梯無反應......

1.29

今日就唔乖, 去姨婆家拜年, 更加少見, 99抱都唔肯, 只要媽媽.

返到99家又鬼咁開心

食埋99煲的粥先返屋企

呢家出街可以訓少一覺, 5小時唔訓都OK......訓上床即刻訓左.



1.31

HEI HEI & KOEY來拜年, 好開心呢.

靖最大個, 周圍望人, 最8卦.

KOEY就周圍爬, 企得好叻

HEI HEI真係好重手! 企得仲好過靖

著件肥衫, 好似肥D, HAHA

靖對KOEY好有興趣, 摸佢面仔, 仲搶佢的玩具




是晚結婚2周年, 在凍肉批發店買了塊美國安格斯肉眼扒, 大過手掌....$84! 應該算平.

好好味...........好JUICY

半夜醒的煩惱

關於夜奶這個問題,
令我很困擾。



BB隔幾天半夜喊醒一次,究竟係唔係肚餓呢?口渴?發惡夢?日間睡多了?

很多理論都說6個月後不需吃夜奶,
只是習慣而已。


最快入睡的方法當然是吃奶奶

但有人話會變成習慣, 又對BB身體唔好, 應該要加餐粥

PRO母乳的人就認為age 1前都可以餵夜奶,

拍番佢訓, 佢多數唔肯

抱睡咪又係壞習慣

飲水, 時得時唔得

有時, 幸運的, 聽到BB是醒來但會再訓番.......

有時搞個幾鐘先得...

點解BB訓覺咁難架!

送兔迎龍 (41W)

 

(19/1 - 25/1)

過新年!

這個新年特別冷, 尤其是元朗...好像每天都只係幾度...太冷了!

爸爸病了整整一個星期, 新年前看了兩次醫生, 流感, 反覆的發燒, 退燒, 而且99回鄉, 所以我們一家新年是冷冷清清地度過.

年卅晚去99處吃團年飯, 乖乖無怕生, 但未夠時間就不願吃粥, 最後要八點幾回家坐定定吃.

之後半夜2AM不知原因, 醒了, 食奶食到要4AM先訓, 是張開眼吃的........好累

年初二, 因為千色店派10元, 又買了一個玩具

好奸的, 見到個玩具即刻對我們奸笑, 好似好想要咁..........



這個星期, 學會了疑似BYE BYE, 好多時候不斷揮到手仔 (其實唔講BYE BYE都揮)

另外還會拍拍手, 好多時都得...

撐起自己一陣

撐多左...




第一年收利是, 喜歡這個金色利是封, 應該是因為會反光...

另外, 開始吃爛飯仔, 但食好少...