“特瞓”報告

經過一星期多的“特瞓”, 本人認為是成功的。

 首先, BB現在會喊5-10MIN之後瞓著!

 另外, 最好瞓到2.5HRS, 最差就只有淺睡….

 還有, 我現在有個時間表, 可以4小時餵一次奶, 跟番人地2個月的進度。

 最後, 琴晚BB 2300瞓, 今朝0600 先叫食, 係咪戒夜奶喇??!!

 我的時間表係

0730 / 1130 / 1530 / 1900 / 2100 / (半夜自然醒 1- 2 次)

 間隔係4小時, 夜晚為左就大人的食飯和瞓覺時間, 會密少少…..

 跟住出名育兒書就的”食-玩-瞓”, 食奶預30MIN, 跟住唔可以瞓 (不過佢都唔會瞓), 同佢玩, 2個月的清醒時間約1HR30MIN, 我通常1HR15MIN就要佢瞓係床, (網頁話等佢打3個呵欠, 但我多數未等到佢已經想喊….唔玩), 之臨近瞓的時間唔好郁得太激, 等佢慢慢蘊釀睡意, 最好換埋尿片, 睇下室溫, 再開始播遙籃曲 (每次睡都播, 可以減D NOISE同等佢同SLEEP有個ASSOCIATION), 就走得去做自己野!  

 不過, 當然有失敗的時候。因為BB一場覺 (淺睡+熟睡)係40MIN , 咁呢個時候佢好容易醒, 就算無噪音, 佢會無端端紮醒, 呢個係仰睡的弊處。有時佢瞓唔番, 就會狂喊到拆天…….最緊要忍心 (當然要KEEP住偷望佢), 琴日試過一次COUNT住佢喊左11MIN就瞓番, 最多只可以喊20MIN, 再喊就要安撫下佢, 拍下佢或者抱一抱, 網頁話最多抱1MIN就要放低, 但我都會抱耐少少, 留意唔好俾佢係懷中瞓著……….

 據說訓練一個月後, BB放落床就會即刻瞓, 希望係!

Ref:

http://tw.myblog.yahoo.com/corundum-simplylove/archive?l=f&id=59

父親節‧特"瞓" (10W)

上月母親節, BB爸爸訂左一個靚靚的雪糕蛋糕一齊食, 仲同嬤嬤婆婆去飲茶 (但我坐緊月又累, 唔想出街無去)。前幾日第一個父親節, 我乜都無準備, 但我地同婆婆去飲茶, 今次仲帶埋BB。茶樓唔怕嘈, BB玩左一陣, 又喊左一陣, 我地輪流抱, 放底佢, 走時佢就訓左, 今次有進步!

-------------------

踏入10星期, BB又有新發展

腳仔有力, 發惡時好似想翻身咁!

開始識望床鈴, 仲可以止喊 (假設佢係扭計而喊) !  另外我發現另一個止喊方法, 就係扮換片, 拎高佢雙腳, 拍佢PAT PAT, 好得!

認識自己雙手, 仲食手食得好勁, 特別係想訓時! 但我暫時唔想出動奶咀...

上次護士話可以幫佢坐, 等佢練下頸力, 我就成日同佢一齊望街, 無得出都望下!

 

埋身餵一向都無乜風, 呢家坐直, 如果有風, BB仲自動”UR”出黎, 幾好! 有時見佢想吐奶, 佢自己仲會吞番落去~

 

---------------

 

BB成日都好惡, 特別扭眼訓時, 日間小睡成日都唔成功, 又醒訓, 整日訓得10-12小時, 懷疑是給人抱睡慣了。有時抱住行來行去30MIN訓訓地, 放落床會喊, 又訓唔長。最慘係明明眼訓狂喊, 又會俾人問係咪食唔飽,  夠唔夠奶, 食奶粉食飽D好無? 上網研究了一輪, 見到好多媽媽都由BB喊, 但始終無開始實行。

 

前兩日喊得好勁, 成日小睡得1小時, 我都想發脾氣。於是再搵方法, 開始要訓練BB自行入睡, 忍心D! 睇左個網頁, 講得好詳細!

 

http://www.wretch.cc/blog/lucklandtw/22615231

 

食飽左同BB 玩一陣, 見佢打左3個呵欠, 就要俾佢自己訓….第1次試狂喊超過20MIN, 抱起佢等佢冷靜下, 再試, 但好似訓唔好, 不斷出聲, 最多”淺睡”30MIN就醒, 又差唔多時間食奶奶, 失敗! 今日試到第三日, 好似有D進步, 唔會狂喊, 係眼訓叫叫果種, 約15MIN就訓左, 但都係淺睡多。今日試到第三場小睡, 好快訓左....(呢家仲訓緊我先有時間寫BLOG) 希望一星期內會成功! (但呢個訓練只可以係無其他人的情況做, 其他人忍唔到BB喊, 但我就麻木晒~)

 

網頁講得幾o岩, 如果醒時知道自己係張床, 但訓醒變左係公園, 都要驚, 特別BB淺睡時間多, 所以要令佢自己係張床到訓著….
BB要努力, 咁出街都唔怕喇~訓多D先長肉呀! 而我都多D時間做自己野, 唔駛UM佢訓!!

下一個目標想拉長佢食奶時間, 呢家多數係2.5-3小時一次, 唔知佢係咪少食多餐型。除非佢訓得好耐先試過4小時一次 (好少機會)。

------------

 

琴日做埋產後檢查, 體重比坐月時再重左1磅幾, 比未生時比左18磅, 點算!

1個月SNAPSHOTS

DAY 38 食飽休息下

DAY 39 碌大雙眼

DAY 41 眼訓

DAY 42 爸爸鍚, 歪咀

DAY 44 面珠敏感

DAY 45 大手小手, 大足小足

DAY 50 女似阿爸

DAY 53 發難

2個月啦

14/6

今日BB 2個月啦, 無乜特別慶祝~ 一朝早訓醒佢就笑啦~ 訓醒好心情

呢個月識左笑同會呀呀聲咁, 仲開始食手指, 希望唔好成日食啦.....99唔俾食奶咀。

食奶仲係一日8-10次, 食奶時扭來扭去, 周身郁。

越來越惡, 特別係扭訓覺時。點解有D BB可以食完即訓? 訓醒又食?

夜晚呢家11點訓, 3點幾4點幾先醒, 但跟住6點幾7點又訓, 食完再訓, 暫時都係呢個PATTERN, 幾時可以訓耐D?

15/6

今日去健康院打兩枝針, 只係喊左幾聲。但又見姑娘又見醫生, 整到佢無覺好訓, 成日喊, 喊完又訓.....

體重、身長和頭圍只是剛剛合格, 點解食極都唔肥......

見姑娘時食飽都大喊, 姑娘幫我抱, 話佢大左俾多坐直多D, 望下周圍, BB即刻無喊, 兩次都係咁, 姑娘問: 係咪要跟佢返屋企??

兩個大脾都打針:

16/6

打針第2日, 耳探最高38.2度, 有少少燒。第一次發燒, 自己都有少少擔心, 食左退燒水, 好似好訓D, 無扭計就訓喇....食一次就退左燒, 去番36.5C

BB出車。食壽司 (8-9W)

6/6

上月永安大減價, 終於買了BB車, 3星期後送貨﹕。端午節, 今日BB第一次坐車, 乖乖的, 我們一家又坐西鐵去爺爺嬤嬤家吃飯。COMBI車真的肥B也坐不下, 我B奀看來還可以, 車雖然輕, 搖搖下, 但BB反而LIKE, 一停車就叫!

11/6

第二次出車, 去商場吃板長, 自懷孕開始我已經沒有吃SUSHI了!

餵飽B才出動, 本來好好的, 搭LIFT時我唔俾佢食手指, 佢就開始喊。去到板長繼續喊, 喊足全程30MIN, 扭計扭眼訓, 所以我都唔知食左乜, 影響我地的雅興。遙下架車佢又停下, 抱都唔得。最後企係到抱佢, 即刻訓左......

有位婆婆走時經過, 問BB係咪肚痛, 喊咁耐-_-||

見佢訓左, 我地拿拿聲去百佳買DD菜, 點知去到俾百佳的運貨車嘈醒, 又喊, 我唯有疾走回家, 輝留下排隊付錢。

上一次去百佳本來好好的, 得我自己一個, 排隊時突然喊, 扭眼訓, 個收銀仲壞左, 等左一陣唔掂, 我叫前面的人俾我俾錢先, 快閃。點知一走, 即刻唔喊.....BB真係叻。

---

呢幾日BB笑多左, 好得意呢~ 

密密著 (8W)

有些NB衫快將不合身, 要爭取機會著得一次多一次。

 

這時爸媽買給BB的唯一一件衫, 好可愛。

 

好像正在爬牆

 

ＢＢ細細粒，仍然用ＮＢ尿片，希望２個半月前可轉用Ｓ碼，這樣便用了１２包ＮＢ。

滿月後開始用尿布, 晚上開洗衣機洗BB衫之後就改用尿片, 外出時也用尿片, BB多數晚上才開大, 也不是經常要洗大大, 用尿布也不是很麻煩, 而且可防尿布疹, 又省錢!!! 如果有屎漬, 用碧蓮的ＢＢ專用去漬粉真係一流!!　原來我做ＢＢ時都是用尿布，所以我媽當ＢＢ滿月後便催我改用尿布。。。

社交微笑 (6-7W)

BB 6-7W, 資料顯示會開始社交微笑, 這個是嗎? 但BB還是扁咀多.

 

雙眼還會跟蹤人, 現在會向上望...

這幾天還開始"呀" "呀"聲, 想說話嗎?

DAY49去健康院, 體重3.86KG, 醫生說有75分, 奶媽總算有交代了, 要繼續努力。面上出了不少紅粒粒, 是"脂溢性皮膚炎", 希望快些回復正常...

這兩晚, BB吃奶至11:30PM, 雖然眼仔碌碌, 但自行入睡。奶媽到半夜3, 4 點谷奶醒了, 但BB還未醒, 奶媽終於可以睡一個好覺, BB要繼續呀!!

看著BB一天一天長大, 好得意!!