2013

回顧與展望

上年寫的...

2013年
1. 繼續充實自己做媽媽, 開始要管教...
好多時都好激氣, 自己EQ低, 好易發惡, 要控制下!

2. 生育計劃, 順利懷孕, 可以生一個上半年出世的馬bb (唔想做細b到時搵學校煩...)
如願BB預產2/1, 仲未出世

3. 4月家庭旅行, 去台北, 順利開心!
達標!

4. 年尾要報幼稚園, 順順利利唔駛煩
總算順利, 已CONFIRM OFFER, 靖靖亦由變成一個面試達人, 越見越好!

5. 要身體健康, 做運動! 多點戶外活動, 可以去郊遊, 給囡囡接觸大自然的機會
放假都好多戶外活動

6. 理財好一點, 慳得醒!
呢方面差D, 無咩慳...

2014年
1. BB出世, 健健康康, 跟靖靖融洽相處
2. 餵人奶順利
3. 慢慢HANDLE一湊二的新生活
4. 靖靖開始幼稚園生活, 盡快適應, 希望揀咗一個好學校

32個月大

遲了半個月才記下呢篇...

靖靖32個月大, 這個月最重要是幼稚園CONFIRM了, 如願有AM OFFER, 但也白交了兩間留位費!

11月尾時去了一個PLAYGROUP的評估, 要靖靖自己跟陌生老師玩, 事先我已跟她預告了, 而我離開前亦有5-10MIN的WARM UP時間, 跟她BYE BYE時她很高興喎.....但評估完畢, 一見到我就唔願再跟陌生人玩, 但整個評估過程無喊, 我覺得已經好大進步! 而評估的結果著重講要改的地方, 如玩LEGO玩得唔叻 (之後我就買咗副新LEGO俾佢), 空間感不足, 以一個無睇電視的小朋友來講, 追視能力不好, 同埋安全感不足(痴媽咪), 好的就係聽指令(短暫記憶)都OK

另外, 呢幾日開始無NAP, 夜晚早少少瞓, 朝早就瞓多1HR.

BB出世, 下個月一定會有好大衝擊.

最新進展 (39W)

幾星期沒有記碌, 現在離預產期2/1還有兩天, 沒有任何動靜。

過去一個月, 36W時照了最後一次超聲波, 胎水回復正常, 所以醫院不再安排照了, 只是由健康院轉到產前門診那邊覆診, 目前已去了四次。每次也是醫生聽胎心聲, 摸肚, 講幾句走得, 但等就等個幾鐘!

現在的體重是57.3KG, 之前有一星期輕了少少。

另外, 中了B鏈, 生時要打抗生素針, 希望BB出世無時, 唔駛瞓加護病房...

早兩天可能去POO POO時出力, 有少少血, 唔知算唔算見紅, 我無理佢.

希望這幾天BB會出世, 唔駛催生!

醫院照聲波, 健康院檢查 (33-34W)

20/11 33W6D

今日返醫院照超聲波, 羊水VOLUME 剛好BORDERLINE, 要繼續FOLLOW UP.

糖水PASS, 可以繼續吃吃喝喝了~~

今次約了兩星期後覆診, 同埋叫我去產前開新症, 睇醫生

唔知點解要去產前果邊睇?? 上一胎因曾留院都去睇過...


29/11 35W2D

今日去健康院做B鏈, 因為見醫生, 唔駛俾姑娘摸肚, 仲快過平日~

體重55.1KG, 比3星期前只重了0.4KG!

B鏈過程好快, 又唔痛.

本來今日安排了走佬袋講座, 唔知點解無叫我去聽...我臨走問姑娘, 佢話每個星期都有, 但其實我唔想聽, 佢話OK~



30/11 35W3D

今日返醫院睇產前新症, 9AM, 比起以前, 無咩人喎~~

血壓, 姑娘話我低, 過咗一陣, 仲走來問我有無唔舒服.

10AM已經走得, 而且醫生好NICE, 解釋了胎水BORDERLINE, 可能係照超聲波的誤差, 或BB真的結構有問題, 胎水多有咩影響, 但佢講得太快, 我都唔記得....

下星期要再覆診, 真係好唔得閒~~~~

31個月大

呢個月, 天氣轉, 發燒了兩次。第一次38C, 沒有睇醫生, 但有流鼻水, 過幾天就好了...

第二次超過39C, 嚇了一跳, 吃少了, 睡少了, 第一天便看了醫生, 雖然明知發燒咁早睇結果係乜都唔知, 但第二日有少少燒, 之後睇唔到任何病徵, 可能係喉嚨痛?!

另外, 呢兩堂返學入課室都喊, 老師話係媽咪臨生前會特別扭計....

幼稚園, 暫時IN的都係區外, 只有一間屋企樓下是本區, 屋企樓下收了PM, 安心D, 其他有收, 但都係覺得HANDLE唔到接送, 放棄了!

希望黎緊區內的, 會收AM啦~

醫院照聲波, 健康院檢查, 飲糖水 (31-32W)

29W時, 可能出街行得太多, 連續5天有流啡的情況.
因為第一胎也有經驗, 流啡一是入急症, 一是去看私家, 多是BED REST.
雖然有點冒險, 但我沒有可能放下靖靖入院, 我睇開的私家又遠, 其實因為不是流太多, 便自行BED REST, 幸好已經沒事!
有時真係好擔心如果早產點算, 靖靖點算

所以....

早一星期, 買定尿片同孕婦M巾, 基本上走佬袋的物資已齊.

踏入最後10W, 胎動多了, 但比靖靖那時, 好像是比較少....



6/11  31W6D

已經好耐好耐無見BB.

再去屯門醫院覆診, 又是放PLAYGROUP後去, 見完姑娘, 然後出去等叫名見醫生, 1小時走得~

姑娘是上OSCAR那位, BB SIZE, 頭圍, 腹, 大脾, 數字約30-31W, OK! 體重1.7-1.8KG, 也合格。靖靖出世時只是2.81KG, 相信細佬出世時會較重吧.

問了姑娘流啡, 她即說我的胎不算低啊!  (我正常問我係咪陀得低...)

她說多是子宮頸損了, 有息肉或其他原因.

姑娘話一切OK, 應該不用再回來了...

之後見醫生, 也是度SIZE, 今次這位男醫生留意到胎水比較多, 自言自語的說可能是BB訓"咩"咗, 但之後都覺得是比較多, 問我有無飲過糖水, 要約期飲一次.

胎水多可能因糖尿影響, 又可能是根本無問題, 或BB結構如吞口水有問題, 回家後也看了一點胎水多的資料, 原因也有很多, 唯有等2WEEKS後覆診再看看吧

8/11 32W1D

去健康院, 今次人好少, 第一次30MIN便走得.

體重54.7KG, 比上次重得少了~ 驗尿正常, 沒有糖尿啊...

跟姑娘講番醫院的結果, 她寫下了.

下次3WEEKS後才覆診, 跟B鏈一齊做, 唔駛去多次, 同埋下次先有講座講入院...


11/11 32W4D

今日去飲糖水, 9AM到醫院, 唔可以食早餐!

拎咗籌, 等抽血, 9:40AM, 之後飲糖水, 可能太肚餓, 好好味喎~ 但一次飲咁多, 有少少反胃...

抽血的姑娘超快手, 抽得好過健康院果D好多~

之後要等2HRS, 又無開電視俾人睇, 我睇睇下書, 覺得好眼瞓...

2HRS坐坐下都好快過, 11:40AM準時抽第二次血走得, 下次覆診先有報告.

一出門即食帶去的零食, 好肚餓!!!

回家後放肆吃了很多餅, 如果有糖尿, 就唔可以亂食...

但如果無糖尿, 又擔心胎水多的原因, 唉!

試食Gerber鮮果乳酪乾

GERBER嬰兒食品對靖靖來說一點也不陌生, 最COMMON的星星餅, 牙仔餅, 蘋果車輪餅..

原來GERBER新出了鮮果乳酪乾, 有兩種味道:

• 雜莓鮮果乳酪乾
• 蜜桃鮮果乳酪乾

一包有好多粒

平時靖靖都有食BB乳酪, 吸收多D鈣和益生菌對腸好, 但新鮮乳酪要KEEP 0-4C, 而且有限期, 有時一PACK6盒, 食到到期先匆匆食完!

乳酪乾方便攜帶, 食用期限也長很多, 是BB除餅乾外, 小食的另一選擇!

這款乳酪乾由真正鮮果和乳酪製造, 不含防腐劑, 香料及人造甜味, 10個月大便可開始食用, 基本上識爬的BB, 可以放食物入口便可以吃了.

第一天試吃, 我跟靖靖說是乳酪"糖", 吃得津津有味.

我自己也試吃了, 味道酸酸甜甜, 有乳酪嘛.

第二天試吃, 居然吐出來了。靖靖一向奄尖, 就算是餅, 蛋糕也不是每款味道也吃...

第三天試吃, 說: 俾媽咪食.

試吃結果, 味道可能不是每位BB都能接受, 但這種健康的小食, 我會隔一段時間再給靖靖試試, 始終小朋友是常變的.

30個月大 - 兩歲半了!!!

靖靖兩歲半了!!!

過去一個月, 獨自上PLAYGROUP已經完全上了軌道, 老師話靖靖心理強咗好多, 安全感好了, 所以不安的小動作(要攬住書包, 毛巾..)已經無晒, 太好了! 呢家仲好鍾意返學添~ 一朝早起身就問今日去邊, 係咪返學....

另外, 老師對靖靖的評語是中上, 記憶力, 大小肌肉各樣發展都良好, 做功課好整齊, 會是讀書的材料...呢方面我都唔擔心, 只係希望佢可以再大膽D! 仲有開始在上課時周圍走, 跟人搗亂, 証明佢大膽咗!

但有時帶佢去遊樂場太多人, 佢會企係到睇多過玩, 好似驚人會撞到佢咁, 或者佢又覺得自己玩太悶, 要我陪佢玩。經過幾次我同佢"輔導"完, 情況好咗少少, 呢家佢有時話: 媽咪坐係到, 我自己玩....(只係一陣咁多)

開始幼稚園面試, 去咗兩間.

因為平時陌生人提問皆無反應, 在家努力訓練早晨, 唔該, 多謝, BYE BYE.

到面試果日, 表現比預期中好, 雖然俾老師話好怕羞, 答兩句想痴媽咪, 但我地都好滿意. 下一步可以教多D面試的題目.

另外, 呢家陌生人問野都多咗肯答, 慢慢進步中!

十月尾知道第一間的結果, 雖然唔係心水, 但都希望有好消息, 可以有個安全網........

健康院檢查 (28W)

11/10

話咁快, 踏入7個月了.

今日去健康院檢查, 一切正常, 好快走得~

 體重53.3KG, 比一個月前重了3KG, 這個月吃了很多零食, 胃口亦好好, 體重增重也是預期中, 幸好仍然跟標準上....

摸肚話BB頭仔已經向下, 其實我完全唔記得幾多個月有咩進度, 第二胎真係懶咗好多.

上網睇到先話28W, 頭仔向下, 準備出世了~

好懶惰, 但都要加緊每晚做產前運動.

另外, 執過D NB衫, 淘咗幾件厚夾衣, 驚細佬1月出世會好凍..........

-------------------

早一個星期, 有一晚俾保鮮紙的CUTTER弄傷手指, 流了好多血, 跟住唔知係咪嚇親, 血壓低, 頭暈了, 幸好是夜晚, 爸爸在......

上一胎懷孕初期都有暈, 今胎是第一次有咁的情況.

幫手做研究 (25W)

19/9

在母乳協會FACEBOOK知道一項邀請孕婦的研究, 約了今天, 剛巧99放假, 我第一次放了靖靖在她家過一個上午及LUNCH, 我就可以輕輕鬆鬆放半天假。

花了個多小時, 有200元籌勞, 吃了麥當當, 才回去接靖靖。

可能開始獨自返PLAYGROUP, 一點掛住媽咪都無, 仲話唔捨得走, 總算有進步!!

29個月大

這個月, 上課適應了, 雖然放了半個月暑假, 但開學後也很少哭鬧, 雖然周圍有其他新同學哭。
UM, 但在家開始到學校門口也扭計, 老師說是靖靖不想跟媽咪分離, 但又非常投入課堂....
因為細佬很快出世, 我也要多讓靖靖獨立.

另外, 多了發脾氣, 不願吃飯, 不願訓覺, 每次都要訓話/罵收場

一般自理如如廁後洗手, 食飯前後洗手, 刷牙漱口, 有時要捉先肯去, 好勞氣!!

開始報幼稚園, 左看右看, 也列出約10間, 希望靖靖會大膽D!!

澳門遊(2)

2/9

第二日, 為了趕行程, 7:45叫醒靖靖, 好眼瞓呢...

套票包群芳自助早餐, 質數不錯, 款式很多!!

之後去天浪淘園玩, 這個人造沙灘, 就是我們BOOK銀河的原因!!

好大啊, 星期一的早上, 人不太多, 有人造浪...有浮板借, 但好快無晒...

靖靖玩得好開心, 又可以玩沙

接著, 我們去玩泳池旁的活動, 有坐船, 釣鴨仔, 做蛋糕, 有彈床, 但不讓大人上去, 靖靖不可能自己玩, 放棄了.

收拾行李CHECK-OUT, 搭的士去新葡京吃午飯, 選了粥麵莊

連續四年(2009, 2010, 2011 及2012年) 榮獲米芝蓮推介

環境一般, 叫了一根麵, 轉盤剔尖, 粥底好靚, 如果此店在香港, 我一定會再去食....

最後一站, 澳門科學館。入場前先到遊樂場玩一轉, 之後去兒童館玩水, 玩建築工人...

玩了兩小時, 要去碼頭了。不夠時間, 下次一定要再來~

澳門遊(1)

1/9

雖然大著肚子, 但仍很想去外遊。
這次之後, 可能要兩年後才會再離港...
一星期前在中旅社訂了套票, 還有科學館門票(比入場買$5張).

出發! 9:00AM的船在上環, 靖靖一起床便出發了, 在巴士上吃面包作早餐

第一站, 到銀河酒店CHECK-IN, 放行李. 十點半到達, 酒店很大, 服務嘛, 可以有效率一點。

看了鑽石噴泉後, 便去快富站吃了套票送的VOUCHER, 好難吃…………連靖靖也吃了兩口便停.

之後乘的士去路環安德魯吃葡TART, 我們4大1小, 除SHUTTLE外, 乘的士最方便,等的士等了很久很久, 沒有車駛入酒店…

在香港只吃過肯德雞的TART, 這個當然好味, 香很多.

見到電話亭, 跟小食店用HKD1換 MOP1打電話BOOK今晚吃的葡國美食天地, 上網說很滿座呢….BOOK 18:45, 還有位子, 真好!

之後上了巴士乘兩三個站去石排灣公園看熊貓. 熊貓館2PM才開, 我們拍拍照, 玩玩遊樂場, 實在太曬了, 而且很多蚊, 靖靖被咬了超過10口…還起膿了, 蚊貼沒有用.

夠鐘入場~熊貓正在吃竹葉呢, 好活潑, 但好快就去了飲水, 之後覺覺豬…..

出面還有駝鳥, 天鵝, 猴, 對小朋友來說, 很開心了

星期日有工作坊, 我們做了襟章和熊貓公仔.

走, 乘的士回酒店拿房間, 又等了很久很久, 因為之前想要CONNECTING ROOMS, 但未打掃好, 最後是同層的房間, 因為我們不想等打掃.

回房間小休, 黃昏出發去官也街買手信, 吃了木糠蛋糕, 好味! 雖然感覺很做遊客生意, 連多一枝膠匙要收$0.5…

還有時間, 逛了龍環葡韻, 雖然過了開放時間, 只在附近拍拍照.

走到葡國美食天地, 未夠鐘, 靖靖到公園, 有得租單車, $15/HR, 我跟店主說只玩30MIN, 成交$8, 沒有小睡的她, 仍然活力充沛…

晚餐, 吃了海鮮飯, 牛排, 馬介休, 老人家不太愛, 但我們覺得味道很好, 靖靖吃面飽和飯…

回到酒店九點多, 累了, 十點多便睡.

照超聲波(22W) & 健康院檢查 (24W)

4/9   22W7D

相隔三星期, 又去屯門醫院照超聲波。
靖靖放PLAYGROUP後去, 帶了飯給她吃, 她還問: 唔係屋企食飯O既?
1:30夠鐘, 1:20突然開始登記, 正服侍靖靖LUNCH, 遲了排隊, 後來由她自己坐在椅上吃,拿了9號籌....
等了約45MIN, 今次由姑娘照先~ 姑娘熱心很多, 照了基本SIZE, 還告訴我是男仔~
之後等醫生來再睇多次, 又是上次的醫生, 所以SIZE OK, 約了31W時再回去照....


13/9 24W1D
第三次健康院檢查, 9:30到, 11:00先離開, 比上次慢很多.
體重50.3KG
基本檢查, 摸肚, 胎心聲, 見姑娘, 她不知道NIFTY是什麼, 但叫我下次帶回報告..
上次甲狀腺抽查OK, 下次檢查4WEEKS後.
一切正常...

---------

超碼有3個人說我的肚陀得低, 有人說低可能會早產, 有人說是仔.

早產嗎? 靖靖當年也是陀得低, 但足足40W才出世.
仔嗎? 我都覺自己的肚是長長尖尖的, 但可能今胎沒有重太多...

照結構 (20W)

16/8 20W1D

本來14/8照結構, 但8號風球取消了.

落波後不夠2小時打去醫院, 已有人接聽, 還說可在4:30PM前來照, 但太趕了, 爸爸上班去, 沒有照顧靖靖.

改了16/8上午, 一家人出發去屯門醫院.

等了45MIN, 終於叫我了~

是上次解釋OSCAR報告的女醫生, 照了約10MIN吧, 沒有形容任何身體結構給我們聽, 我們看著電視估估下, 更加不會睇性別.

應該是醫生的"性格"問題吧,

我大約睇到她照腦, 心臟血流, 手指齊, 量頭圍, 肚圍那些

最後只說心臟沒有問題, 今次PASS!! 我問鼻骨有嗎,她說NIFTY PASS了, 她不會看鼻骨

呀........政府不用錢的結構便是這樣吧, 相比私家的, 當然差一大截, 但最緊要結果PASS

她說約3星期後再照結構, UM, 為什麼要照第二次呢? 但有FREE USG便照去看看吧.

28個月大

這個月, 自己上PLAYGROUP開始習慣, 少了哭鬧.

但最近兩星期, 十分痴媽咪, 連最親近的爺爺奶奶叔叔來到, 也大哭大鬧, 要媽咪, 扮要"痾PAT PAT" (去廁所), 要媽咪出現, 弄得我煮晚餐也不行,

最近幾天稍為有好轉, 回復正常, 但稍有不滿, 想哭, 便說要"痾PAT PAT", 真難搞.

試過我沒有理會她, 因為她發脾氣, 又說要"痾PAT PAT", 真的賴尿了!

老師話呢個囡話鬧得, 膽子太小了, 要慢慢講, 氹, 唉!

另外, 兒童房裝修完兩星期, 味道散了, 靖靖正式搬入去"新床"!

一切總算順利, 如常睡覺, 只是每次睡都問" 瞓邊到??"

我都好開心BB床拆了, 房間闊落了, 睡覺時都輕鬆了

最後, 這幾天開始學懂踏三輪車, 買了年多的車終於不用我們推著走了

第二次健康院檢查 (18W)

2/8 18W1D

今日帶同靖靖一同去檢查, 初時她不太願意, 可能以為是自己去見姑娘, 後來著她跟著我便OK了.

體重47.2KG, 比上次重了1.8KG, 姑娘說OK.

之後解釋抽血結果, 一切正常, 但上次的分泌不是念珠菌, 那為何叫我用藥?

因這星期左臀部抽筋似的痛, 不能蹲下再起身, 走路也很痛, 姑娘說是姿勢問題, 過了幾天終於好轉了.

全程45MIN OK, 因答應做甲狀腺抽查, 幫衛生署做DATA, 多留了一小時見醫生和抽血.

產前防紋霜

妊娠紋的出現是由於孕婦腹部快速膨脹而引起, 會令皮膚出現紫色或淡紅色的妊娠紋。

 

記得上一胎我的妊娠紋不算太嚴重, 最明顯是肚臍以下的一條深啡色腹中線, 但至產後便漸漸消失了。

 

上一胎用了朋友用剩的一枝防紋霜, aqueous cream, 記得當時正值冬天, 肚子非常乾而癢。

 

今胎試用ELANCYL產前防紋霜, MADE
IN FRANCE, 成份為維他命B5、紅花籽油、甜杏仁油, 建議懷孕四個月或以前開始使用。

 

我差不多四個月才開始用, 用了兩星期, 這時候的肚子不是很大, 當然沒有紋出現, 這隻防紋霜不油膩, 很快吸收, 感覺不錯。

私家檢查 (16W)

20/7 16W2D

今日約了私家看看BABY, REGULAR CHECK.

體重103LBS, 重了3LBS, 肚就明顯大了, 坐地鐵有人讓坐.

跟醫生報告之前OSCAR 和NIFTY的結果, 之後問了念珠菌, 他說到最後2星期才塞藥, 因為如果BB出世時有念珠菌會令BB PAT PAT紅和口有白色, 唔願食奶.

照到BB, 一放落去就問: 上次NIFTY有無話你知男定女, 我話可能係男呀, 佢話你睇下, 連我自己都睇到了, 是囝囝啊.

SIZE

FL 1.89CM 16W
BPD 3.38CM 16W2D
AC 11.37CM 17W
EFW 157G (5OZ)

一切正常, 中碼SIZE, 今次BB無郁, 應該睡覺中吧.

因為傷風中, 醫生話休息多D, 唔好食藥, 發燒要留意, 因為會引致小產!!

之後我自己去了逛書展, 好累, 但好自由, HAHA

27個月大

這個月有兩件大事

第一件, 算是戒了片。六月尾再試不穿尿片, 提去廁所, 明顯比數月前有意識好多, 過了兩三天, 已可放心不著片去街。
多數會開口去廁所, 仍然不斷問, 有時突然話急, 忍不住了....賴在街上, BB車上也曾試過.
午睡也不用著片, 雖然有兩三次還是賴了尿。
晚上, 試過兩三晚第二朝的片仍是乾的, 戒夜片還需點時間吧.

第二件, 開始自己上PLAYGROUP.
這個極度痴身的小朋友, 到現在上了半個月, 還是哭哭啼啼的.
知道上堂沒有媽媽, 可以由一朝早開始話唔要返學, 到最後一刻, 自己走上床話要訓覺唔返學, 唔要著鞋, 唔要換出街衫, 最後要我抱住佢出門.
一去到學校, 要入課堂, 走去鞋架拎鞋走, 但入到課堂即刻收聲, 始終還是會投入課堂的.
之前試過一次上課時還好, 太急尿了吧, 怕羞沒有跟老師講, 突然大哭就賴了.
不知何時才會適應沒有媽咪上堂的日子.

獨自上堂的後遺症, 不願意跟媽咪分開, 總要哭一輪, 連爸爸都唔跟.

另外, 最近有時候我會跟靖靖說她做了什麼事, 媽咪會唔開心/開心.
如她跟人打招呼, 媽咪會開心, 佢有一次跟伯伯HELLO, 便話媽咪會開心.
她不肯著鞋返學, 要媽咪抱, 我跟她講, 點解你要媽咪辛苦, 攰, 有BABY唔抱得靖靖咁耐, 唔聽話, 媽咪唔開心, 佢即刻著番鞋自己行全程返學.
叫佢唔可以亂發脾氣, 佢會聽人解釋.
大個了, 開始明白別人的感受.

胎動 (12W) & NIFTY 結果 (13W)

到了12W, 胃口明顯好了, 少了胃氣, 想吃垃圾食物的念頭也少了, 可能因為已經吃了很多...

12W那天, 發現肚臍上方有東西動....拍了VIDEO, 根據經驗, 應該是胎動, 但真的早了一點吧???

上網SEARCH , 也有第二胎的媽咪是12W 感覺到胎動的...

雖然不是每天也有, 但到今天14W, 胎動多了, 幅度大了, 特別是在吃飽飽的時候

BB真的很活潑呢!

------------


3/7 13W7D

做了NIFTY一星期多, 便收到電話了!! 是姑娘打來, 說是低風險啊.

接電話時真的很緊張, 姑娘也說詳細報告稍後會EMAIL過來.

報告內容便是三條染色體, 21, 13 和18的問題風險, 結果是1 / xxxxxxx (7 位數)

99.1%的準確度, 暫時放下心頭大石, 下一關便是照結構.

NIFTY (12W)

24/6 12W4D

今早, 黃雨又紅雨, 一家三口出發去中環做NIFTY.

去了只是10:30, 約了11:00, 登記後, 還有時間填媽媽會的表格.

中環的診所確是高級一點吧, 最低消費也要$3500 !

等到11:05 , 叫我啦~ 見到DR. LAU, 真的很友善, 問了少少背景, 就去照...

這個NIFTY除抽血外, 還有基本檢查, 但照得好詳細, 可以算是早期結構!

第一樣是看到鼻骨, 之後看心, 血管, 眼, 膀胱, 手指, 腳指, 每樣都解釋, 比林勇行真的慢一點...

CHECK 血流, 心跳, 頸皮3.0MM, 醫生說仍然是厚, 問是否會心臟有問題, 他說這個厚度應該一會...

總結, 結構上沒有唐氏特徵.

見到BB兩隻手交叉, 最後問我們是否想知道性別, 可能是男仔啊 (我自己就睇唔到)

身長8.2CM
BPD 2.12CM
CRL 6.19CM

是中碼BB.

之後出去, 解釋NIFTY主要驗13, 18 及21號染色體, 其他染色體有問題也會通知我們, 待抽血結果, 約2WEEKS會電話通知.

現在唯有等等等吧! 看過早期結構, 心情也好過一點...

埋單$6000, 有一份報告, 3張相(頸皮, 鼻骨, 心), 一隻DVD

今次爸爸跟靖靖第一次見BB, 靖靖話黑蚊蚊見唔到, HAHA, 連大人也要加點想像力先得啦~

第一次健康院檢查 & OSCAR 結果 (11-12W)

19/6 11W7D

今早, 去健康院做第一次檢查, 9:20到, 11:30離開, 也不是太久.

驗小便, 體重, 血壓, 45.7KG, 跟上星期OSCAR時一樣.

見姑娘, 問背景, 第一句問我: 讀完大學湊女浪費嗎?? 另外, 提醒我要讓囡囡快D獨立, 將來有更多時間照顧BB.

等見醫生, 接到屯門醫院的電話, 真的接到了, 約了後日回去見醫生聽OSCAR結果.

接著, 見醫生, 第一次聽到BB心跳, 因為之前有黃色分泌, 說是念珠菌, 開了藥.

之後等抽血, 要抽4支血啊, 第一次遇到姑娘吉第一邊血流得慢, 吉另外隻手先得............從來都沒有姑娘說我血管幼的.

離開時, 填了許多媽媽會FORM, 拿了贈品回家了~




21/6 12W2D

今天約了11AM回醫院聽結果, 心中還存一絲希望不是高危.

甫到達報到後, 便叫我看幾份資料, 關於抽純毛, 羊水及DNA CHIPS測試的資料, 心中感到不妙.

好快叫名, 見到上次照OSCAR的姑娘, 結果是1:30, 高危, 低過1:250便是高危.

之後講解有咩TEST可以做, 抽絨毛, 抽羊水, 或自費去做NIFTY, 我之前上網已做了功課, 大致上已清楚了.

還介紹一個DNA CHIPS TEST, 抽絨毛或羊水時另外多抽一點去排DNA, 看看染色體有沒有問題.

我告訴她已決定做NIFTY先, 之後再等叫名見醫生.

其實姑娘已解釋得非常清楚, 醫生是一名年紀較大的女醫生, 她再講頸皮厚的可能性及高危有咩下一步測試.

因為我決定先做NIFTY, 醫院會俾結構我做, 如NIFTY結果是陽性, 即刻通知她們安排抽羊水.....

最後, 預約好結構便走得.

今日爸爸沒有請假, 帶著靖靖去, 全程都好乖, 見姑娘醫生時也沒有搗亂, 值得一讚賞!!

可能之前已作了最壞的心理準備, 縱然結果出來是高危, 也不是十分難過, 唯有待過兩天的NIFTY再作定案....

醫院OSCAR檢查 (11W)

13/6  11W



無見BB咁耐, 等到今日照OSCAR啦

下午1:30 屯門醫院, 爸爸請假在家照顧靖靖.

UM, OSCAR是唐氏BB SCREENING, 對於我來說, 靖靖當年順利通過, 這次檢查, 只是一個FREE USG...........

去到醫院, 有經驗排隊, 拎咗#1籌, 好開心, 可以快d照完回家.

首先量體重, 45.7 KG (100.5LBS) , 應該重了0.5LBS吧

如往常, 聽講座睇VIDEO, 姑娘講解, 話俾媽咪聽, 你地應該懷住自己的BB係有機會唐氏的心情黎檢查....頓時我的心情都變得好沉重, 同呢個OSCAR係幾咁重要.

睇埋VIDEO, 同以前的一樣, 但見到唐氏BB, 心都好唔舒服, 可能自己好好彩有一個健康活潑的囡.

講座完, 去個TOILET, 已經叫名.

上床照, 我擔心是BB唔知SIZE夠大未, 因為今天剛11W, 如果未夠大, 又要隔天再來(聽到隔離床的差幾日, 要約下星期)

問了姑娘, 她說SIZE已夠了 46MM, 11W2D大, 她亦留意到比我之前的預產期遲了, 問我有沒有帶醫生信來, 可以跟私家更改預產期

她亦說會照完再給我看BB手腳之類, 我也沒有問任何問題, 由她照了.

BB平躺的, 位置很好啊, 久違了的USG BB , 兩年多後再看, 也是很感動的, 手腳已經會動了!!

照了超過5分鐘, 姑娘反覆度了頸皮好多次, 4.2MM.......4.1MM........數字也是差不多.

最後姑娘開口了, 頸皮有點厚啊, 我問標準是多少, 她說沒有標準, 但超過3.5MM便算厚...

接著解釋是機會高, 就算不是唐氏, 心臟也很有機會有問題....醫院會打電話給我, 看看驗血報告的結果, 因為這樣, 會在醫院安排照結構.

說了很多很多, 姑娘強調是機會高, 所有都是機會, 早知好過遲知, 現在一步步進行檢查吧....

最後, 亦跟我GO THROUGH BB頭, 手, 腳一次, 手腳還在動呢

我腦袋有點空白吧, 抽完血會回家了.

回到家見到精靈活潑的靖靖, 才開始憂心起來.

真的是唐氏嗎? 我們能夠接受嗎?

26個月大

今個月, 戒片沒有進行, 因為懶, 因為某些原因, 真希望突然有一天會自己開口去廁所。不過, 暫時早上起床後及晚上睡前也坐坐POTTY吧, 有急的也有所出, 基本CONCEPT已有吧, 只欠我的起心肝"訓練"吧, 有時去遊樂場片片重重的, 也除下來, 自己會說"舒服", 多數玩30MIN回家叫坐POTTY, 也有所出, 7月快來了, 我也要把握時機開始訓練...

現在較喜歡看書, 畫畫, 可以畫一個圓圈, 說是頭, 然後眼是用點的, 咀用線的. 明顯不愛填色, 上課時完全畫兩畫便沒有耐性再填, 看看人家同年齡的, 已可以填色填得蠻好的, 沒有出界啊, 我這個, 還是胡亂的, 沒有興趣...

愛吹泡泡, 玩貼紙書, 能唱幾首歌, 認出0-9數字, 英文字就ABCD數個...

會說故事, 斷斷續續的說出重點, 但要知道內容的人先聽得明

下水禮, 有點怕水, 只坐在水泡上玩

又去玩沙, 雖然不願意, 但鼓勵下也願意觸摸

好像越來越怕生, 連常見的鄰居姨姨一碰手仔, 便想哭, 要即刻離開現場, 要跟她解釋這是友善的行為, 多加輔導, 情況稍有好轉

如果是熟的小朋友, 也有少少願意分享玩具

另外, 這個月曾經手生了些粒粒, 持續了一星期, 看了醫生, 說是"接觸性皮膚炎", 應該是洗手液洗唔乾淨所致, 塗了醫生的藥膏, 也不用洗手液, 沒事了.

靖靖做家姐喇!!

靖靖已經兩歲有多, 身邊好多"同屆"媽咪都已經生了第二個或懷孕中, 我們的計劃是相隔三年(靖靖讀書, 我可以專心湊細的), 早前便努力實行計劃, 猜不到比預期更早成功了!!


現在預產期是2 JAN 2014了, 當初最完美的想法是可以生一個年頭出世的馬BB, 因為做大BB搵學校都易D, 現在的情況, 我想做細B的機會很高吧....也沒有法子, 真係整定的, 最緊要BB健健康康.

24/4

月經遲遲末來, 用了家中過期(上一胎用剩的)的試紙作測試, NEGATIVE, 也不是太緊張, 因為這個CYCLE是12月出世的BB

為了作更好準備, 上YAHOO買了紅綠D用, 50條紅D, 應該夠玩吧...


1/5

月經還未有影, 收到紅綠D , 用了條綠D試下, 居然POSITVE!!! 又試第二條, 又是POSITIVE, 是否太便宜不準確? 爸爸去萬寧買了一盒兩枝試, 也是POSITIVE, 似乎是真的了...

雖然是來得有點突然而且早, 但還是開心的.

第二朝再是, 更明顯, 約了兩天後去看醫生, 根據最後來經日期已經是6W.


4/5 4-5w

兩年多沒有來這個診所了, 這天我們一家八點幾便出發, 靖靖乖乖陪我們在診所等了個幾鐘
照出來的結果是SIZE 4-5W, 因為排卵日期遲了 (我也有預感), 所以今次得胎囊
醫生再幫我驗孕, 是POSITIVE, 另外寫了信, 可以去政府約期了.


6/5
一朝早便出發去健康院約期, 所以程序也很熟悉, 但今次居然不用地址証明, 難道沒有雙失, 屯門醫院無人爭??
OSCAR要去醫院BOOK, 我推著靖靖, 即刻去了, 約了13/6 (12w)照OSCAR及16/6 (13w) 第一次檢查.
回家看回舊日記, 上次OSCAR要去兩次, 一次聽講座, 一次先抽血和照, 似乎現在的安排有變

18/5 7w2d

私家第二次檢查, 今次我自己去.
照到閃閃了, 期待已久!! 0.94cm, 預產期是2 jan 2014, 醫生又寫了張紙叫我同政府改預產期, 免得到時幫我催生, 等我照oscar時再跟姑娘講吧.

雖然沒有嘔, 但這幾星期胃氣多, 時常覺得好飽, 對正常食物沒有興趣, 濃味或出街的食物就有胃口好多....

希望胃口可以快d變番正常

8/6


另外, 食了一次自助餐, 我還為食吃了一片魚生和雪糕, 第二胎真的比較放肆!

嗅覺好靈敏, 換了淋浴露, 有時聞到蒸魚味, 煲飯味也有點嘔心

知道有位朋友都是2014 01 媽媽, 好開心呢, 有伴傾下!!

25個月大

2歲1個月....

嘗試戒片一日, 第二日便發燒流鼻水, 所以無了期延遲行動。戒片那天, 沒有穿片, 第一個小時便換了三條褲, 後來連褲也不要, 有時15MIN便去了一次, 應該是上一次未去清....坐POTTY也算願意, 但從來不會講去SHU SHU, 無論之前之後, POO POO更加無..

現在的情況是夜晚睡前坐一次POTTY, 有時有SHU SHU, 便有貼紙送。其他時間問坐不坐廁所, 多數不願意.

知道在廁所去SHU SHU / POO POO, 有時自己也跟公仔玩這樣的遊戲, 還跟他們換尿片, 但自己就還未有意識, 今個月再試一次吧...急不來.

沒有再吃奶奶睡覺, 完全戒奶了! 沒有給牛奶, 隔天飲豆漿, 擔心不夠鈣, 偶爾會給乳酪, 加了鈣的蘋果汁

其他, 上個月會唱歌了, 第一首歌是氹氹轉, 前幾天自己玩時唱了PLAYGROUP教的早晨歌, 唱了好多遍...

數數字至23, 用英文講故事, 就發脾氣, 不要聽英文.


跟澄澄見面兩次, 一次在她家

抱澄澄的反應, 推開人, 要媽咪抱

一同去CLUBHOUSE玩, 好喜歡這架車

另一次來我家, 完全不願意分享玩具, HIGHCHAIR, 希望大一點會有改善吧

去探KOBE, 十幾日大, 一湊二的生活唔容易呢

母親節去屯門公園玩

爬蟲館睇＿

任務完成

4月30日, 24個半月那晚, 沒有吃奶睡覺了, 直至今天, 已經連續6天沒有吃, 相信奶媽的任務已經完成, 真的"自然離乳"!!

離乳的過程其實很簡單, 如常的進行睡前儀式: 刷牙, 去廁所, 講故事, 熄燈睡覺, 只不過在那晚, 我突然心血來潮, 試問靖靖今晚唔食奶奶, 她沒有反應, 沒有話唔好, 於是便高高興興帶她去刷牙, 如常睡覺了.

第二晚如是, 自此, 從不提起奶奶二字。

昨天, 她睡前突然說起食奶奶, 我說唔駛食啦, 再說別的話題, 很快便忘記了。

我想在兩歲前後, 便向靖靖開始灌輸"大個女唔食奶奶", 但她從來不認自己係大個女的...

至兩歲後, 便開始跟她數1-10, 吃夠10聲便停吧, BYE BYE奶奶去刷牙, 她是會用手"咁"住我把口, 唔俾我數...話唔要10聲, 要食多多, 再唔俾就扭計...

不過多數聽到爸爸洗完澡從廁所出來, 便喜孜孜的走出去叫爸爸, 去刷牙

每晚也是吃5-10MIN吧, 吃了一大碗飯, 湯, 水果, 當然吃奶不是填飽肚子, 只是一種習慣

這樣便走過了24個多月,  經歷過損傷, 塞左, 小白點, 針刺, 餵奶的路也算是順利吧

最大壓力莫過於BB體重出世時只是3%, 在4個月時更跌低於3%以下, 幸好在5個月時已升回3-10%! 到現在是50%的幼童了

希望下一段的餵奶路會更順利!!

BB至愛的星星餅

雖然靖靖已經兩歲, 理論上什麼零食也可以吃, 百力滋, POCKY, 梳打餅, 得意動物餅等等, 數之不盡, 但做了媽媽後, 對食物營養異常執著的我, 以上零食皆不會出現在我家, 但靖靖在上午茶/下午茶也要吃餅, GERBER星星餅算是一個比較健康的選擇。

 

星星餅由全穀物製造, 有8種維他命和礦物質, 味道由天然水果而來, 少用化學劑, 但吃起來仍要很香~` 曾在巴士上吃星星餅, 鄰座的阿嬸帶點不滿的對我說,
為什麼讓BB吃”咁香”的餅, 吃梳打餅還好吧, 可想而知星星餅真係”香到隔離”!

桃味, 蕃薯味, 香蕉味, 士多啤梨蘋果味, 全部都好食!

咁多餅餅~~

由8個月開始食可以訓練小手肌

媽咪, 俾多D

 

有時, 買雜誌會送星星餅, 反斗城做持價$27買二送一, 以我分配的速度, 一筒星星餅可吃上一兩個月, 很抵吃呢!! 開封後, 我習慣放入冰箱, 那餅餅就不會受潮了!

靖靖兩歲了!!

身高: 沒有量, 應該87-89CM

體重: 24LBS

牙: 還有4隻大牙未出

飲食: 3餐正餐, 1餐下午茶, 上午茶不固定, 1餐睡前奶, 吃5-10MIN

 

之前一向食住家飯, 台北遊之前開始吃少少街的食物, 台北遊全程跟我們吃, 幸好回來之後仍然愛吃自己那些淡味的飯菜, 但會八卦爸媽的菜, 看看是否吸引, 就算給她吃大人食物, 也未必有興趣, 將來我煮飯應該更麻煩…

明顯大肌肉發展較快, 應該是因為每天去兩次遊樂場, 日子有功吧. 遊樂場的攀架很多已成功征服, 手腳好有力

 

說話越來越多, 有復雜的句子, 如: 爸爸坐呢到睇靖靖食MUM MUM

 

性格是慢熱, 害羞, 就算是經常見面的小朋友家長和老師, 明明認識, 也要靠著媽咪, 很不情願的, 要媽咪半拉半推才走過去一起玩。

 

什麼也怕, 有少許進步, 願意拿著風筒和花灑, 但不願向著自己..

 

第一見蚯蚓, 好像見到怪物似的, 雖然我都覺得有點嘔心, 但不可以表露出來.

 

這陣子更痴媽咪, 餵食飯只要媽咪 (其實只是坐在對面, 給她添飯添菜), 經常要媽咪陪玩, 要媽咪從廚房出來..

 

兩歲開始, 最大的挑戰是要戒片了, 希望不會太難吧….

接著是開始獨個兒上PLAYGROUP, 但暫時獨立班未有空缺, 應該兩三個月後便要自己上堂

是否開始TROUBLE TWO?? 有時會發脾氣, 雖未至於凡事SAY NO, 但有時都好麻煩, 如必須做的事如刷牙, 也要用硬的

掛名生日禮物的LEGO, 好喜歡呢

去了行河背水塘

屏山文物徑

屯門時代廣場

FEON未生之前, 去玩了兩次, 一見孖辮妹便叫沛藝了

生日那天, 去了迪欣湖玩, 很喜歡PLAYRIGHT舉辦的這個活動, 有機會再去
晚上與家人吃飯, 有最愛吃的蛋糕