細個果時, 應該係小學, 我又黑又細粒, 係屋企人人都叫我豆豉~~ 呢家我果囡就係小豆豉呀~~
檢討:
體重: 4.92KG, 超奀.....
身長: 59CM, 細細粒
食奶: 1日5次, 食30-40MIN, 食一邊
睡眠: 無乜變, 日間小睡3次, 自己瞓, 通常都有2HRS。呢家第三次小睡都瞓得叻左...少左喊DD啦
夜奶: 17W時戒左.........十點幾瞓到7點幾 (但呢兩日翻發~ 五點幾六點醒~)
大小便: 小便次數少左, 好似黃左少少...大便有一次隔5日, 一次隔7日....一黎就大大PAT!
發展: 頸仔差唔多硬晒咯~ 趴係到玩無難度, 手都想拿少少野~
----
8.13
四個月前夕, 一家人LUNCH出去荃灣廣場食, 今次用揹帶, 因為想佢訓好D.....要揹住佢食野都幾難, 佢又訓得15MIN就係到飲泣, 下次都係用車仔....
上一次去吉之島係2月特價時, 買左枝乾髮劑諗住坐月用, 最後無用到, 因為我照樣洗頭~~ 半年後都有得退款, 吉之島真係好服務呀!
係吉之島到餵奶, 個位都幾舒服。對面個BB喊, 佢又停左望人地, 好八卦...
食飽奶, 揹住行左一陣, 回程都訓到60MIN。夜晚去99度食飯過節, 訓唔到啦, 捉佢入房喊到拆天~~食完奶我又食飯拿拿聲返屋企。
8.14
四個月喇~~ 今日休息唔出街, 節目係打手印。之前都無買, 見人地打我又想打, 係荷花買都要$151, 打得一隻手...貴又唔易整呢。
諗住好快搞掂, 襯佢訓覺時整, 搞搞下搞左30MIN, 入到房發現已經醒左!! 唔理, 照印~
所以郁左少少, 手指公~~
跟住INSTRUCTION話可以督個孔掛起佢, 點知根本跟唔得....仲整花左, 哼!
呢個款無托, 呢塊野只可以平攤...或者買個相架相起去吧~
睇下隻小手, 的確幾得意同有紀念價值.....
不過麻煩同唔平, 唔知下次整唔整好呢~
8.15
今日打針。
雖然好眼訓, 但都無大喊, 叻叻。打針時喊左兩聲, 行出房仲喊到流眼淚, 跟住抱直佢, 佢就訓左....
體重方面真係好麻麻......低過3%! 見醫生, 醫生話佢由頭到腳都係細, 出世時係細碼, 呢家係加細碼...但又唔駛太擔心, 6個月再見佢...
小豆豉, 你點可以肥少少呀? 變做粒黑豆都好丫...
我要勤力D, 餵密D, 餵耐D, 進保下!!
8.17
又叻左咯...今日自己伸左少少手去拿玩具~~
---
呢個星期經常出現的吮下唇POSE..
淘左幾件BB衫, 呢D要大個D先著得~~ 下面果條唔知聖誕/新年O岩著未呢~
另外有兩件呢家著, 遲D著上身先SHOW.
