第一個聖誕節 (37W)

打住家工, 都唔知幾時紅日。今年聖誕一連4日假, 真係開心。放假的日子, 有爸爸在家看住BB, 陪BB玩, 放假會出街食, 爸爸仲煮飯 (讚!) 所以我都好似放左假咁, 好得閒…….可以休息下!!

呢個星期, BB笑多左好多!!! 係見人笑佢就笑, 好開心~~~~~~~ 成日都笑, 呢個係佢的招牌笑容, 咪眼----

仲成日坐係到玩, 爬下爬下, 最LIKE我地隻拖鞋.....同後面CHEERS果塊膠~~

至於小睡, 仍然要訓3次~~ 試過無訓第三次, 夜晚8點幾扭眼訓, 訓左1HR先醒~~

有時朝早5, 6點會叫, 只要唔理佢, 佢會訓番, 就順利到8點先醒, 如果真係肚餓餵左奶, 就訓到9點幾, 成個SCHEDULE 延後左, 咁就煩喇..

12.22

過冬, 去99家吃飯。今次大個女, 無認地方無認人, 好HAPPY咁玩。第一次係第二度食粥仔, 雖然食完奶2.5HR, 但都食得好順利, 無扭計, 仲唔夠食添!

12.24

開始放假, 去左屯門吃LUNCH, 影下相

係都唔望鏡頭.....

扯爛左吊飾, 好大力啊~~

今次又坐BB椅, 無帶TOTSEAT, 用揹帶一樣可以繫緊BB.

臨走埋單時唔留神, 俾佢手撥低左杯熱水, LOOK親手仔, 即喊~~~ 好彩杯水唔係滾的.

在UNIQLO買了一件童裝羽絨, 110碼, 好大件......


12.25

聖誕日, 屋企飲茶, 著左新買的羽絨, 好暖呢~~

好開心呢~~ 第一次用TOTSEAT, 都唔錯.

今次記得帶D玩具俾佢自娛....

之後行街又買左件背心外套仔, 新年著好!

戴埋聖誕帽影相~~

好鍾意呢張相~~



12.26 & 27

跟住兩日都係元朗附近出沒, 無出城同人迫.

呢幾日, 突然間出左好多衫, 婆婆又係出口店買左平衫俾BB, 其中一件有帽褸仔~~

BB唔識蚊走呢頂帽, HAHHA!!

頭頂有個婆, 好搞笑.........

爬爬爬 (36W)

 

今個星期識爬了!!

 

12.16

 

8個月大兩日, 病左幾日都係鼻塞塞地, 特別飲奶時聽到急促的呼吸聲, 平時就無咩, 食左7日藥停左, 而鼻塞對食奶同訓覺都無影響…

 

朝早都未識爬, 夜晚再試, 腳仔有力左喇, 引到BB第一爬是一個藥樽, HAHA!! 但仍然爬得好笨拙同慢, 好少走出PLAYMAT範圍~

 

經常由坐轉趴轉爬…….左腳唔係好順利咁踢到, 成日趴著係到唔郁得, 做YOGA

坐低無難度, 成日自己玩, 唔理人(定我唔理佢?)

 

12.17

 

思前想後, 都係睇多一次醫生。醫生都話10日仲未好, 檢查過唔係鼻敏感, 係傷風未清, 轉左第二隻藥子, 繼續噴鼻….咁細個暫時唔會鼻竇炎, 因為我本身都有, 擔心BB轉差都會咁樣……..

 

最後食多左3日藥都停左, 老人家又話食得藥多”散”, 呼吸食奶時聽到呼呼聲, 好似收音機收唔清咁, 睇佢都唔似病, 唯有靠自己抗體好番啦~~ 或者過左假期先再去睇多次醫生…

 

12.18

閉關左一星期, 我完全感覺唔到聖誕氣氛。於是出動去HARBOUR CITY影相了!!!

 

好多人啊, 初時瞓著…

 

醒左個人呆呆地

 

第一次見氣球~~ 拎住周圍FING~~

 

點解咁多隻眼~

第一次坐BB椅, 大家食得好安樂~~

 

8PM返屋企食粥仔, 呢家出街每次都係最多人的時候我地就回程了…

---

 

無食藥, 又或者8個月, 食粥仔叻左好多…或者我都掌握和跟BB有了黙契!! 呢家食多左少少, 試過一日隔了5小時開餐, 清晒D粥, 食埋蕉都未叫停…..

 

雖然唔識講野, 呢家BB食緊未得會推開我, 有時肉大粒會MUI耐D (試過餵餐粥餵左45MIN, 因為一啖都食1MIN!), 得就拍檯叫我餵…..叫果時係口乾或者飽了!!

 

呢家叫到爸爸回家叫叫AR AR聲, 雖然識發BA BA音, 但唔識叫….

 

呢個星期最後一餐奶食得好辛苦, 食飽唔肯訓, 搞到MIDNIGHT, 第二朝又訓到九點幾….BB的時間表好似轉緊, 可能訓兩場小睡就夠了!! 煩….

8個月啦 + 全家打敗仗 (35W)

8 個月了!

12.8

呢排塊面有粒粒, 唔靚女, 手腳都有少少, 驚係食物敏感定咩病, 走左去睇兒科。元朗有幾個出名, 揀左個無咁貴同唔駛點等的, 醫生話係天氣轉, 無咩事, 因為朝早食奶聽到有少少鼻塞, 原來喉嚨有少少紅!!! 最後俾左枝AI CREAM 同一堆傷風藥, $360!!

是晚翻風, 我無關好窗, 小睡後, 夜晚開始流鼻水~ 以為無咩事, 點知食完奶一放低就喊, 好唔尋常果種, 應該係鼻塞所以一訓低就透唔到氣....由11PM搞到1AM, 我初時唔想俾佢食藥, 但實在唔掂, 最後食左收鼻水藥水, 到2AM都唔得, 爸爸叫我抱住BB訓, 抱左唔夠5MIN就訓左.......

雖則全人奶BB唔係唔會病, 但8個月未到就病左, 真係好唔開心+擔心, 希望快D搞自己的抗體好番!!

BB病真係好辛苦...第二日食左藥, 噴鼻, 流左黃色的鼻涕出黎, 但KEEP住鼻塞......

12.11

過左兩日, 唔知邊個傳染邊個, 我都病埋, 去睇左BB果位兒科醫生, 因為餵人奶要小心食藥。

我食左藥第二朝已經好番好多, 但BB都係有鼻塞聲, 未至於食唔到奶或訓唔到, 食粥的胃口真係好似差左 (其實一向都普通)

又過一日, 爸爸都病埋.

所以呢個星期, 我地全家閉關休息, BB食藥食左成個星期........

=============

檢討:

體重: 7.8KG (醫生早1星期著晒衫磅, 8個月果日自己屋企著衫磅有8.2KG)

身長: 67CM, 醫生量

食: 1日5餐, 2 粥, MAX 1 大人碗, LUNCH食完要食奶奶10-20MIN, 晚餐無補奶

睡眠: 仍然日間小睡3次, 45 - 1.5HR

夜奶: 反反覆覆, 多數5-6AM醒, 食完再訓到8-9AM

大小便: 小便多左好多, 我都未點數了!! 大便有時一日1-3次, 逗到便便!!

呢排積極練爬, 病左都少練左!

蓄勢待發!


冬天先剛開始, 驚再冷親, 訓覺的模樣:

(BB鍾意個頭頂到床頭!)

坐下企下 (34W)

七個半月, 突然有一日, 坐得叻左好多, 但都會向後跌, 雖然有PLAYMAT, 但都痛到喊......

仲可以扶住野企一陣, 練下腳力~

12.4

好好天, 又去元朗公園, 今次約埋99去, 幫佢同個孫影下相, 我自己影少少咋...

去到, 唔知做咩只要媽媽抱, 喊, 唯有飲下水, 俾佢自己坐車車, 跟住無事喇, 又可以俾人抱住周圍行...

出到黎仲邊訓得著, 唯有咬下牙膠.........

全家福, 笑笑~~

坐草地, 但D草一D都唔綠同好DIRTY.......

被迫企下

行完, 去食佳記甜品, 唔肯坐車仔, 要人抱, 八八卦~~~



=========

上次買玩具有$50 COUPON, 買左棵聖誕樹, 但無裝飾, 臨時卦晒屋企掛得的野上去.......

有一天, 有封信寄俾BB, 但爸爸開信箱時以為無此人, 寄錯! 自己果囡叫咩名都唔知~~~

一見到就搶~~

添置BB用品 (33W)

呢個星期買左好多新野

睇睇下親子王突然醒覺呢家的玩具好似唔係好O岩玩, 好多搖搖, 要玩D高難度少少的玩具, 於是去左玩具反斗城.

去到玩左個彈彈跳, 上次去BB仲好細, 今次玩得喇! 識彈呀, 好開心~

逛左成粒鐘, 買左Learning Walker 9M+ 和積木 12M+, 呢兩樣野應該有排玩....

但BB仲係好鍾意佢手中的沙錘仔........

唔係好識玩, 只係周圍狂拍

另外, 之前的吹氣浴盆頂晒腳, 唯有買個新盆, 好大個呢.......但呢家BB就要係企缸沖, 我唔可以企係到幫佢, 費力好多!!


Potty! 之前睇過幾百蚊果D, 太貴, 買個普通的, 但幾好坐喎, 好FIT, 第一次用就成功有所出!!

運功中.......

====

呢個星期食了菠菜, 紫心蕃薯, 小棠菜, 豆苗。

漸漸FEEL到性格, 係惡妹一名, 一唔想食就一手拍埋黎, 拿唔穩成碗粥拍左落地........按住手仔想佢食多兩啖, 口都唔開! 呢個下午茶餐水果唔肯食, 食奶前後都唔肯, 一見到隻匙就拍開, 擰開面, 點算.......唔通水果要加落粥???

粥約每餐食到250ML, 如果眼訓, 或唔好食就食少D, 唔係好LIKE甘荀, 最普通的菜心/菠菜+肉就食得最順利.

但係可以好專心玩一樣玩具, 例如公仔的標籤, 公仔的耳仔等等........

呢家似一個人仔, 食食下奶會望下我, 同我講野, 跟住自己繼續食, 好得意!!

仲未識爬, 快D爬啦~~

===

笑得好含蓄



見到我唔駛逗都笑:)



成日伸條脷出黎, 打打!!

懂事 (32W)

呢個星期開始, 一醒就翻身, 偷睇我地!! 見到我地仲AR AR 聲叫我地添.......真係大個了!!


繼續入後波, 好想向前但唔得..

坐時, 成日DUP低頭玩玩具, 好少可會坐直...又唔拎起玩具玩

手指越來越靈活, 見靖玩BB車頭玩具玩得好叻, 俾佢執豆.....執到但唔識放入口

食兩餐粥, 中午食完再少一陣奶奶, 夜晚就無補奶, 因為過兩小時就訓...

食了紫心蕃薯, 椰菜, 黑芝麻, 菠菜, 魚就我食乜BB食乜, 食左馬頭和紅衫魚....水果無新野.

起身時間好唔穩定, 試過一覺訓10HRS到9AM, 但多數係5, 6 點醒食奶奶再訓到8AM...

----

11.19

出城拎HUGGIES生日會禮品, 去海港城行下 CITYSUPER, D 無激素的雞真係好貴, 暫時食魚和豬先喇..

因為BB訓左, 行到The One 先餵奶, 育嬰室幾舒服。

BB雖然清醒, 但保持一貫作風, 食好好鬼慢, 40MIN!!! 但要出面有人等............果人等到敲門, 我都好唔好意思, 一敲門BB即刻唔食.

下次再出去影聖誕燈飾先~~

11.20

今日好好天, 去濕地公園玩. 推住BB車, 落左輕鐵仲要行好鬼遠 (走時發現可早一個站落, 唔駛行咁遠!!)

公園都有育嬰室, 換左片片就出發. 影左一陣相就俾BB訓覺, 我地有我地行, 點知佢成程都唔訓, 掛住食牙膠...

走時猛咁叫, 以為佢扭眼訓, 原來係叫我地打開個車蓋, 一見到我地仲笑..........真係越大越貪玩!!

過橋要收車, 抱住行, 玩水筆仔~~


熱到好呆