懂事 (32W)

呢個星期開始, 一醒就翻身, 偷睇我地!! 見到我地仲AR AR 聲叫我地添.......真係大個了!!


繼續入後波, 好想向前但唔得..

坐時, 成日DUP低頭玩玩具, 好少可會坐直...又唔拎起玩具玩

手指越來越靈活, 見靖玩BB車頭玩具玩得好叻, 俾佢執豆.....執到但唔識放入口

食兩餐粥, 中午食完再少一陣奶奶, 夜晚就無補奶, 因為過兩小時就訓...

食了紫心蕃薯, 椰菜, 黑芝麻, 菠菜, 魚就我食乜BB食乜, 食左馬頭和紅衫魚....水果無新野.

起身時間好唔穩定, 試過一覺訓10HRS到9AM, 但多數係5, 6 點醒食奶奶再訓到8AM...

----

11.19

出城拎HUGGIES生日會禮品, 去海港城行下 CITYSUPER, D 無激素的雞真係好貴, 暫時食魚和豬先喇..

因為BB訓左, 行到The One 先餵奶, 育嬰室幾舒服。

BB雖然清醒, 但保持一貫作風, 食好好鬼慢, 40MIN!!! 但要出面有人等............果人等到敲門, 我都好唔好意思, 一敲門BB即刻唔食.

下次再出去影聖誕燈飾先~~

11.20

今日好好天, 去濕地公園玩. 推住BB車, 落左輕鐵仲要行好鬼遠 (走時發現可早一個站落, 唔駛行咁遠!!)

公園都有育嬰室, 換左片片就出發. 影左一陣相就俾BB訓覺, 我地有我地行, 點知佢成程都唔訓, 掛住食牙膠...

走時猛咁叫, 以為佢扭眼訓, 原來係叫我地打開個車蓋, 一見到我地仲笑..........真係越大越貪玩!!

過橋要收車, 抱住行, 玩水筆仔~~


熱到好呆

7個月啦 ~ (31W)

7個月啦, 好似好大個, 已經係大BB鳥!

檢討:

體重: 自己磅約7KG 好開心, 如果準, 即係10-25%.....!! 食粥係唔同D!!

身長: 66CM, 估計

食: 1日5餐, 1 粥, 約3/4大人碗, 食完要食奶奶; 食粥自己坐可以食10MIN, 跟住要飲下水, 抱住先再食, 希望有進步啦!! 呢個星期的新食物係南瓜, 鯇魚

睡眠: 仍然日間小睡3次

夜奶: 食粥係好左好多, 好似得幾日係食夜奶, 呢排興6點幾食少少再訓, 又試過一覺訓到7點幾... 

大小便: 小便5-6塊, 試過少少便秘, 呢家無事, 但大便有時一日1-3次

發展: 
坐得80%, 未坐直

呢個星期識講BU, BA, GE..........好多聲, 仲識叫人!!

練緊入後波.......

-----------

11.13
我生日, 去左參觀SKY 100!

準備出發！頂帽戴左3MIN, 俾BB扯爛左朵花..................

去到開始眼訓, 搭LIFT上100樓, 我耳仔有D唔舒服, BB好似無反應

上到去啦~~ 有個維港長廊, 幾靚

睇到全港景色, 好靚呀~~ 

之後就扭眼訓, 想喊呀~~ 唯有放番落BB車...

去食稻庭鳥冬, 入到去大喊, 抱起又笑, 應該係超眼訓, 但貪玩. 
下次可以坐BB CHAIR la

去全港第一的育嬰室餵奶, 真係好舒服...

之後就去平台影下相, 好好天~~

夜晚仲食埋PIZZA和生日蛋糕, 但BB太累, 係屋企都喊....

=====

開始玩沖涼玩具

新睡袋

粗心的媽媽 (30W)

呢個星期無乜特別。

我呢個媽媽真係唔合格, 第一次整三文魚, 用BLENDER有骨但見到一條, 餵果時BB自己吐左另一條出黎, 餵餵下見到另一條........好彩條骨夠大同唔尖咋。跟住去吉之島買左包無骨的三文魚扒, 雖然無咁好味, 但安全D。

新食物有粟米, 甜豆, 三文魚, 木瓜。雖然話每樣食物要試3日, 但有時心急又悶, 到第三日我就試加另一款食物......

食完都係要飲奶奶, 飲5-30MIN不等。通常都食到3/4大人碗的粥再飲10ML水, 跟住就叫救命喇..........

仲未代到一餐, 係咪唔開食兩餐粥住呢?? 

星期三, 天雨路滑, 我揹住BB跌左一交, 幸好是在屋苑大堂, BB無事.........

積極練坐同爬:

試過向後移兩下, 或GUT PAT, 未爬到, 用玩具引佢, 只會因為拎唔到而大叫, 好鬼惡........

坐就越來越好, 有時都坐直, 唔駛用手扶



早幾日天氣仲熱, 搵到條又係淘番黎的12M, 但原來就黎唔O岩著喇~~~~~~唯有係屋企著下

樣衰衰的一張, 做緊乜? 就黎睇住我食飯, 佢無得食, 流晒口水果樣~~~ 自己碗粥又唔食~~

另外, 呢個星期我終於去左剪髮, 求其去左屋企樓下貪佢夠快, 都係修一修髮尾同薄D, 都係以前剪開的師傅好好多, 但要出到旺角呀.

我要便便 (29W)

(以下內容可能有D噁心)

食開母乳, 從來都無便便問題。

萬聖節, 已經3日無便便喇!! 日間用凡士林搽屁屁刺激下, 按下肚仔都係軟軟的, 但有一次見到有便便想出黎, 又入番去喎。到黃昏, 小睡中間突然大喊, 過左五分鐘都唔停....諗住佢發惡夢醒, 同佢換片, 見到有便便出黎, BB好辛苦, 谷實肚仔, 屈膝, 喊得好大聲....!! 我有點手足無措, 唯有幫佢按肚仔, 搽凡士林, 幫佢打氣!! 出左兩粒仔咋....少少硬, 抹屁屁有少少血........一抺屁屁就喊, 當時我都有D驚, 抱起佢周屋轉安撫下都唔掂, 食住奶仲抽搐緊, 過左陣就訓住食。

夜少少, 俾蕉俾食, 飲多D水, 仲爸爸同BB玩得好開心, 突然, 一見到我就喊, 抱佢落床, 又屈膝喇, 又想便便喇!!! 今次多少少, 按按軟身左少少!!

如是者, 斷斷續續去左幾次, 半夜2AM, 6AM, 第二朝又去左4次, 終於停左.........BB去果時都唔見得辛苦, 第二日好番好多。

開始固體半個多月, 有時食完粥俾杯仔佢飲水又當牙膠玩, 水流番出黎, 水真係唔夠, 生果佢又唔LIKE....唯有食多D蕉!! 呢家餐與餐之間都俾隻杯佢飲, 呢兩日飲番多D喇!! 

食野方面, 這個星期食了菜心, 蕃薯, 種類多左, 每餐可以MIX 2-3款菜.....醫生提醒母乳6個月後鐵質唔夠BB用, 要快食肉, 之前驚唔消化, 又驚佢便便唔得, 但都開始食左一日喇, 食少少啦, 佢食肉的樣無苦面, 都接受到!!

試過兩日可以4小時先食, 但要食1個大人碗先夠...如果唔夠, 佢喊就補奶喇~

試食牙仔餅, 完全唔識食, 唔想食, 最後我食番.....好難食呀!

======

10.29

星期六, 天氣好好, 去行元朗公園!

首先, 我地要醫肚先, 去食日本野...

我又要鰻魚飯!!

好好心情喎

到此一遊照, 好曬呀

中午時份, 無咩人


可惜無望鏡頭

掛住食牙膠, 眼訓啦...