結婚半周年, 我們去吃法國餐慶祝!
此法國餐廳Le Cafe Du Mont Blanc在元朗, 是我一位愛吃又正在讀法文的同事在openrice看到, 又高分, 叫我這個元朗人去試試。因為要book位, 便book了今晚。致電book位時話法國大廚返法國!!! 只有他老婆煮, 我們有點猶豫, 打第二次去取消, 侍應說老婆跟了他十幾年, 只是少了一個人慢一點, 否則要等到8月20日, 那我們想食左先算。
店子小小, 只有18個位, 不預訂的話, 可能八點幾會有得食。我們點了兩個set, 首先來洋蔥湯和磨菇湯, 好香濃~
主菜我吃法式焗鴨腿, 咸到適中, 份量適合女生
輝吃烤羊架, 有三大件, 好多! 羊好嫩, 真係好靚~ 右上角的薯菜好奶油, 好香。
食完主菜, 到甜品, 一起食白朗峰, 是用蛋白做的, 比較實, 唔知梳乎厘的質感, 幾得意
另一個是皇帝批, 是杏仁和蛋做的, 出名好似未見過, 因為酥皮有少少油膩, 但都好味。
總括來說, 是很滿意的一餐, 但一點都不便宜, 結賬五百幾, 在元朗已經好貴。
侍應好好, 還說下次來可星期四至六book位時預訂空運到港的青口, 仲好吃。
第四天, 沒有local tour, 因為今天要轉酒店。一朝早, 我地又放棄了酒店的早餐, 出去覓食。今次想去食味雅海南雞飯, 但原來要10點先有飯賣, 走來走去, 想食肉骨茶, 但原來夜晚先開, 我地無緣食喇, 因為唔會再有在市的夜晚, 好遺憾。
我地又回到昨天食過的怡豐冰室。今次9am後有飯賣, 點了砂窩雞, 好似煲仔飯, 但個汁好好味, 再飲咸柑桔冰
睇下幾多咸柑桔
之後未夠10am, 周圍行下碼頭邊, 想買d生果, 於是去了菜市場。那是一個好大的菜市場, 外圍賣生果, 入面賣菜和雜貨等等, 我們買了RM2 的大樹菠蘿和青色的蓮霧, 香港未見過青色的。
夠10am, 又回到味雅, 點了海南雞脾+叉燒飯, 冬瓜冰和薏米水。舊飯三角型, 好得意, 其實碟飯ok啦, 好似香港的好時沙爹仲好食!
叉燒+雞脾飯, RM8.5
食完飯, 仲有時間, 因為酒店2pm先check-in, 而果到荒山野嶺, 我地咁早入好都無野做。我們想買d手信, 就行下附近的商場, 唯一的商場。沙巴唔係一個購物的地方, 得間萬寧行下, 最後去左7-11買左一袋零食作公司手信。
差不多12noon, 我地執好行李搭的士入酒店。住了3晚cheap cheap酒店, 餘下2晚我們去山卡拉的Shangri-la Rasa Ria Resort。話晒都係honeymoon, 所以都要豪兩晚, 約HK$1500一晚。沙巴有好多間resorts, 有d近市中心, 有d遠, Rasa Ria 就遠d, 坐的士都35min, 更加遠離塵囂。
之前問過國語導遊, 他說大約RM80-100, 如果可以講價講到RM80就好。我們一去酒店後面的的士站, 有個的士司機向我們招手, 一開價已經RM80, 我地都懶得講價, 即上車。坐左約35min, 去到Shangri-la Rasa Ria Resort。
一到步, 即刻俾bell boy搶左件行李。之後叫我們搞一下個鑼, 是歡迎儀式。
好大好大的lobby, check-in唔駛企住, 有得坐低飲杯welcome drink - iced peach tea。
之前用張信用卡做gurantee, 碌左RM1000先, 咁在酒店內任何活動都可以唔俾cash, 扣賬, 好方便。我們被安排到6樓的Garden Wing Deluxe Sea View, 我仲問職員可否俾 high floor 和我們是honeymoon, 因為之前睇人地blog話住得低, 俾d樹遮住晒個海, 好無謂。個職員仲好好咁講, 我地間房已經perfect, 因為係最高層~
未夠2pm, 人地仲清潔緊房間。於是我們去service centre, 睇下有咩活動可以book。活動有動有靜, 太極, cooking, 夜行森林, 水上有睇螢火蟲, 揚帆出海睇日落, 沙灘玩水上活動。我地想book 我地用降落傘, 下面有架快艇扯起果d, 但可惜架快艇維修中。我們book了沙灘騎馬睇日落在今天5pm, 之後明天一早去睇猩猩, 晚上去做spa。
夠鐘上房! 我們間房在最高層的單邊, 入到去間房都幾大, 個浴室比正常比例的大。床上有玫瑰花砌成 I love you, 茶几上仲有一盤生果, 朱古力和一張 happy honeymoon咭, 好開心~ 露台是L型, 好大, 一望出去就係泳池和沙灘, 一望無際的靚景, 果然是香格里拉 , 世外桃源, 咁大個女都無住過咁靚景的房。
之後更在酒店周圍行下, 等夠鐘騎馬。去了酒店lobby隔離唯一一個免費的playing area消磨時間。那裏有桌球, 層層疊, 乒乓球, scrabble等等, 我們什麼也玩, 這時候落起大雨來, 非常大雨, 騎馬要取消了。有個職員專陪人玩, 他教我們用scrabble玩一個叫 banana scrabble的game, 抽10粒字母, 誰最快用晒d字砌成詞便叫banana便勝利, 我們還同幾個澳洲細路玩, 幸好我們的英文比那些小朋友好一點點, 都有win。
騎馬活動取消, 變為沒有活動, 我們便選了酒店cafe的自助餐 (RM100) 作晚餐, 我被它的白朱力噴泉吸引了!
食物款式都多, 但質素一般, 有點後悔, 早知去食a la carte好過。但我地都食到好飽, 所以去行下沙灘, 無乜人, 夠晒黑, 我地仲玩光影塗鴉~試左好多次先叫靚少少~
第三天行程, 也是參加了local tour的團, 唔駛用腦, 由朝玩到晚。
今次唔駛一早出發, 9時先在酒店出車。一朝早, 我們放棄了酒店包的早餐, 無謂浪費左個quota, 出左去食野。出發前準備不太充足, 沒有記好那間好食, 什麼好食。
依導遊介紹, 去了"怡豐茶室"。看店子便知什麼是主打菜: 有砂鍋雞飯、牛雜和喇沙。因為未有飯, 點了喇沙, 咖央多士, 一杯好正的奶茶和桔仔冰。
好好味, 好滿足, 每人都係十幾蚊。之後返酒店等車, 今次好準時就來接我地。我地係第一組客人, 之後再去另一酒店接另外2對客人。車子走了好遠好遠的路, 來到激流的起點。今次我地的激流是kiulu河, 1-2級, 另外有一條叫Padas河, 3-4級, 因為我們沒有玩過激流, 所以選擇了這條啦。
到步後, 首先著好裝備: 頭盔、救生衣和船杖, 之後聽簡介, 講點樣划艇, 跌左落水點樣上番艇等等。今次我地又遇番國語導遊, 我們和另外2個女仔, 跟佢的艇。
條河一半好平靜, 但都有好多又高又低的位。因為雙腳要卡住隻艇邊, 隻手是不斷的划1.5小時, 好累......另外兩個女仔成日俾導遊扯左落水, 我都有俾佢玩左一次, 天氣咁熱, 河水好冰涼, 其實幾舒服架。中途有個位俾大家休息, 俾大家游下水, 因為著住救生衣, 唔識游水的人都可以暢泳。
雖然是1-2級邀流, 但已經好累, 如果是3-4級, 導遊說是沒有機會休息的...今次我地都有得睇下風景, 但又有拋拋下, 幾好玩。
完成濕身照
完成活動, 我們便搭車去食間tour公司的基地, 沖身換衫和食自助午餐。食物ok啦, 填飽個肚, 仲食左好多西瓜。
我們轉另一架車去一間中途酒店等車去玩靜態的活動 - 尋找長鼻猴。睇長鼻猴要坐個幾鐘車去好偏遠的地方, 果到有條河, 仲有一間餐廳, 其實都發展成一個專服侍旅行團的地方。一去到, 就食少少茶點, 我地仲買左枝沙巴雪條食。之後就坐船沿河兩岸尋找長鼻猴。約45min, 見到幾隻, 但好遠, 反而見到隻大蜥蝪大家仲開心。
之後就上岸食自助晚飯, 等天黑睇螢火蟲! 螢火蟲唔駛尋找, 周圍都係, 好多好多在樹上, 棵樹好似掛滿燈飾的聖誕樹, 好靚~ 但好難影到相。
回程經過所謂沙巴出產的朱古力店給大家買下手信, 因為沙巴無乜手信好買, 所以特登做一個品牌朱古力出黎叫人買, 呢個係我的想法。
回到酒店已經九點幾, 回酒店執好行李, 明天要搬酒店~
看了!! 期待已久的Toy Story 3, 比史力加好看得多呢.
巴斯光年好搞笑, 隻熊仔原來是壞人。
今次自攜3d眼鏡, 有爆谷送。但隔離位的小孩戴不上3d眼鏡, 太大副。想變回2d版本, 並多d英文版仲好。
點解套套戲都要3d??
第二天, book了local tour去美人魚島, 此島每天只限50人上島, 所以在香港預先book了。
酒店窗外
約了7:15am在酒店出發, 我們酒店包的早餐7am先開始, 所以食得好趕。早餐是4款選1, 有馬來西亞飯, 通粉, 粥等。點知我們在大堂等到7:40am都無車來接, 問reception叫她幫手打電話俾導遊, 點知佢話有時7:45先到, 如果8點都無人先幫我們打!! 到8am, 佢真係幫我們打俾昨晚講國語的導遊, 雖然講馬拉話, 但我們大約明白是話佢點解要我地的客人等左45min。無耐, 就有一架車黎接我地, 淨係我地!!!唔通只得我地出島?
坐左30min車, 去到市郊的一個中途油站, 他們叫我們上另一架旅遊車, 今次似樣, 車上90%都是香港人去美人魚島。出島的公司是riverbug, 導遊又係識講廣東話。
去到碼頭, 坐船出海, 景色已經好靚。架船好細架, 坐十幾人, 坐左超過於30min, 好好好好大風, 終於到了美人魚島個離岸碼頭。去到叫大家換泳衣, 我們換好先出門, 跟住就可以出去浮潛啦!!
坐船景色
小美人魚島
浮潛是要出去海中心, 因為那裡d珊瑚靚d。導遊話唔駛著蛙鞋會靈活d, 我們就落海啦!! 一落水, 個教練就唔知係邊捉左隻海星上黎, 好犀利! 兩個人有一個水泡, 因為有人唔識游水, 所以呢個水泡好緊要。
浮潛時間約45min, 海底d珊瑚都算靚, 同好大, 仲有d魚仔游過, 比上次去大堡礁仲靚!! 但好大浪, 我們唔郁, 就俾浪推走, 離架船越來越遠。我們有兩架相機, 一個用防水袋, 影出黎普通。另一架用防水菲林機就唔錯!!
45min都好累, 好辛苦先游番去架船到。回去碼頭就食lunch, 簡單自助餐。下午可以再出海浮潛或上島玩沙灘, 我們選後者, 因為阿輝有少少暈浪, 所以還是上岸影下靚沙灘。
碼頭
沙灘好靚, d沙好幼架。上面仲有個lodge, 真係俾人係到過夜, 有吊床, 好一個世外桃源的地方。
在沙灘影下好, 玩下水, 再休息下, 好快要回程啦。回程的船因為逆浪, 花的時間好長, 後來導遊話上星期有兩日都出唔到海, 因為太大浪, 有時要double時間先返到碼頭, 所以我們都算幸運呀!!
回到碼頭轉旅遊車回市中心, 太累, 我們在車上睡著了。無耐, 導遊拍醒我們, 話國語導遊打來說機場找到一個銀包, 可能是我們的!!! 當我們回到酒店就會找我們去看看, 太好了!!!!!!!!!!!!!!!!!!
回到酒店, 因為前一天買的電話卡仲activate唔到, 想打俾導遊都唔得, 就是但找一間電話店去搞, 點知雞同鴨講, 最後叫佢幫手打俾導遊, 原來要去番買sim卡果間店先得, 順便約埋佢7:30am在酒店大堂等, 等我們沖完涼, 便去機場。
7:30am 導遊來接我們, 去到機場, 出示了今天他們幫我們在警署拿的報案正本 (要RM2出張証明!!!) , 又入去air asia個保安室, 還是昨晚那個職員。他拿出一個信封, 封好口的, 拆開真的是我們的銀包!!!!!! 太好了, 所有東西還在, 除了現金, 好開心呢.
拎番銀包, 我們打算去吃海鮮, 他便車我們去大排檔。途中我們想去買暈浪丸, 於是他載我們去萬寧, 點知無.....後來話俾佢知我地買唔到, 原來佢車上有個藥袋, 即是剪左4粒俾我地, 太好人啦!!
搞埋張sim卡, 佢便車我地去"雙天大排檔", 食海鮮的地方。我們可以睇下水缸揀啦,
東風縲 - 唔係好好食, 下次唔好叫
琵琶蝦- 好大舊肉, 彈牙, 但無乜味
蒜蓉帶子, 幾好味。後面碟豆苗好味，香港難找。
魔鬼魚, 好惹味, 唔錯
椰青, 可惜唔夠凍
最好味的桔仔冰, 即係話梅和桔仔。
最後是叫了導遊讚的椰汁布甸, 但原來是隔離檔賣的。好濃香椰子味, 好味。
點了好多, 埋單百幾蚊港紙一個人, 好抵食。因為搵番個銀包, 食得特別開心, 度假的心情100%回來了!!
