動動動 (19W幾)

沒有覆診的日子, 平日數住胎動次數來知道B仔的情況。這星期有時做緊野都動, 肚仔痕痕。幅度好似大左D, 有時好似打筋斗咁?!

琴晚睇J2 KAWAII TV, 見到D日本MODEL, 個肚突然突左一舊出黎少少, 好似突個頭出黎咁, 有舊野頂住個肚皮, 好古怪, 慢慢又收番, 唔似平時跳彈咁.

下星期六便照結構, 知道性別喇....唔通佢係男仔?

奶奶說仔女都無所謂, 我都無所謂, 女仔一點也不比男仔遜色。輝想是男仔, 我想老爺都係....是傳統的人。我爸媽我沒有問, 就算佢都想點, 我地都會唔因為結果而唔開心.

星期六聽完講座，搭輕鐵第一次有人讓座俾我，但周圍都有大肚婆，肚比我還大，有d唔好意思。

自懷胎而來, 家務我已經唔駛做, 包括吸塵, 抹地, 洗碗, 沖水, 晒衫等等, 真係好嘆, 多謝輝, 但還要煮飯, 抹下塵, 無人時都要晒衫~

記得馬仔本我的低能湊B之道講: 結婚是女人做一日的公主, 懷胎是女人做十個月的皇后, 一生左後便要做一世奴隸, 所以我要好好享受這幾個月做皇后的日子, 在家在公司都乜都大晒~

第二次健康院檢查 (17w5d - 18W幾)

11月16日  檢查

私家的預產期比政府遲5日, 所以有時覆診我都唔係好肯定呢家係X周Y日。今日第二次去健康院, 檢查包括量體重、血壓、驗尿、聽胎心聲, 今次還見護士講下上次抽血的結果。姑娘好有效率, 拿了飛仔, 去洗手間取尿樣本已經叫我名...(他們SUPPOSE我在家已預備尿尿, 但上午要返工)。我還忘記要自行量體重。

一上磅, 52KG (114.5LBS), 重了少少, 比未還懷孕前重了6.5LBS, 應該OK。

聽胎心聲和看看有沒有水腫, 今次胎耐少少, 聽下B仔的, 下聽下我的, B仔的真的快很多。驗血報告一切正常, OSCAR也正常, 全個檢查個多小時便完成, 回到家也只是四點幾, 好開心。

暫時都無醫生睇, 要等12月4日照結構..........希望快D到!! 

11月20日 

星期六又是聽醫院講座, 時前去了同房屋企整班蘭蛋糕 (用從沙巴買回來的預伴粉), 可惜失敗, 焗唔熟??? 

今次題目是初生BB常見問題, 由兒科醫生主講; 另外是準父母的角色, 由社工主講。原來初生BB特別在皮膚上會發現好多小毛病 (http://www.fhs.gov.hk/tc_chi/health_info/class_topic/ct_child_health/ch_newborn_nb4.html) , 但都是過一段時間會自我痊癒。多點了解便少一點擔心。

護士還提醒我們要數胎動, 12小時要動10次才正常, 我大約每次食完飯後都有5次。

今天去了油麻地拿我們信用卡迎新禮品- 型銀摺疊單車, 唔駛錢的, 都唔錯, 但我唔踏得單車,   要下年先玩得。

生日‧胎動 (17W幾)

第一胎的胎動多數會在20W發生, 從討論區睇到有D MAMA未到20W已經有胎動, 第一次的感覺像有個氣泡在肚裏爆了, 在平躺的時候最容易感受到。前一天睡醒時平躺, 感受到一兩下, 但也不太確定, 總之不是腸動或胃咕咕的, 那就是肚吧。

生日這天, 睡醒又平躺, 將手放在肚皮上靜心感受, 初時只感覺到自己的心跳, 突然有一下肚中有些東西動了一動, 很輕微, 這就是胎動!! 叫輝也放一隻手來試下, 等了一兩分鐘, 他也感受到了, hehe!! 可能待20W到時, 坐著企著也會感覺到。

生日, 首先去了大快活吃豐富的早餐。在家吃了午飯, 收到生日禮物!! 孕婦哺乳睡衣, 還有乳墊和儲奶袋送, 幾時買的呢??

之後便去醫院聽講座, 上星期講麻醉, 因懶惰沒有去聽, 今次講分娩過程和產房簡介。講的內容比上次莊生的詳細, 而且有位醫院婦科醫生講, 好多人發問呢, 第一次生真的要聽下。但第一次要陣痛超過10小時, 不敢想像。

晚餐原來要出去尖沙咀, 到帝苑酒店吃米芝蓮1星越南菜。有人說每次生日都吃西餐, 所以今次要吃越南菜。我們點了米芝蓮套餐, 有春卷小食拼盤, 大頭蝦, 海立魚, 酥皮牛腩, 蝦醬通菜, 生牛肉河和西米露, 吃套餐便可一次過吃幾款菜。

全部都好味, 牛腩不是太諗, 不像同時食的牛腩河。生牛肉河的牛肉片好味, 西米露的芋頭溶晒。

下年生日就要攜B出街了!!

嘉道理農場

今天去了嘉道理農場參觀。農場在元朗和大埔之間, 搭巴士約30MIN便到。

看了很多動物植物, 不是什麼珍貴品種, 很多都是農場的動物, 或在香港市區被人發現, 而喪失野外求生能力的動物。

農場很大很大, 行到山頂要2小時, 我們去到時已派完FREE SHUTTLE BUS的票, 所以只有自行走上去, 最後周圍看看, 休息, 一個小時已經累了。

蜥蝪:

鹿

最得意肥豬, 仲有野豬架:

另外有麻鷹, 影唔到。

真的龜殼標本:

最後在商店買了本地農場走地雞蛋回家。

因為星期日有D檔仔, 聽完後還拿了一小棵薄荷回家種呢。