呢個星期, 終於翻身喇! 仲要揀係星期日爸爸放假的朝早, 一齊見証!
9.18
朝早叫佢訓覺, 平日用米袋當被, 聽到BB呀呀聲咁叫....入房睇, 好努力咁翻緊身!!
好興奮呀! 呢隻懶B五個幾月終於識翻喇....
第二日清早6AM, 見BB熱除左個睡袋, 蓋薄被, 點知見到BB翻左身, 好似狗仔咁望住我地!! 一大朝早都要玩.....
之後瞓覺, 要著睡袋+米袋先唔翻, 試過翻到傻左連瞓覺都唔記得, 但又要喊!!
呢個星期, 仲開始尖叫, 好高音呀~~
突隻手出黎!!
仲偷望添~~
又偷睇!!!!
天氣開始涼喇, 戴帽仔出街~~ 好似男BB!
咁樣先似番女仔, 照下鏡嘛 !
估唔到近5個月都要去母乳指導。
9.12
中秋節。
話說上星期二食左隻花膠, 諗住D奶會杰D, BB會肥D。唔知關唔關事, 星期四晚一邊突然好谷, 好似初時餵奶谷奶咁實晒.....BB食左60MIN先清晒
之後星期六見乳頭出現白點, 印象中係塞左咁解...餵果時好痛呀! 可能之前痛得多, 呢次都忍到。另一白點原因係有真菌感染, 但會十級痛, 我諗我唔係啦。
到星期一朝早, 猶疑去唔健康院搵姑娘幫手...自己膽粗粗用針挑, 挑下層皮, 唔得。於是打電話去健康院, 佢叫我即刻去呢~今朝有母乳指導。
去到等左陣, 有得磅BB, 好開心! 5.56KG, 升番上3-10%條線。
等姑娘, 又係果位頭一個月第一次見我的姑娘。佢認得我呀...佢話"咁大個仲黎?" , 我話有小問題....
到我入去啦, 有好多初生BB的媽媽呀, 全部BB都好細粒, 好得意!! 成舊飯咁唔郁食奶奶架, 聽到其他媽媽的問題, 我都經歷過, 勾起我的回憶, 只不過係5個月前! 我果個雖然細細粒, 但比較下好大舊。
關於白點, 姑娘問我有無挑過, 我話有呀, 但唔得。我餵完後佢就出手, 挑到出血呀, 唔怪得我挑唔到啦~~ 痛到我出唔到聲叫痛。姑娘話等BB吮下就無事。
過左幾日, 粒白點仲係度, 但餵果時就無咩痛喇....
唔通我真係唔食得花膠?
五個月的禮物 - 新牙膠手指!
檢討:
體重: 5.56KG 好開心, 升番上3-10%.....!!
身長: 60-61CM, 估計
食奶: 1日6次, 食30-40MIN, 食1邊, 另一邊食少少
睡眠: 日間小睡3次, 呢家有時訓45MIN - 1.5HR就醒, 唔訓. 最LIKE食奶時訓, 爭取時間!
夜奶: 食番一次, 徘徊在三點幾- 五點幾
大小便: 小便5-6塊, 大便最多隔兩日一次
發展:
扶持下坐著
這陣子愛上波仔! 手拿...
趴著玩
練雙腳肌肉
捉到腳趾了!!!
9.9
平台有中秋派對, 湊熱鬧吃龍SO糖, 猜燈謎
9.11
終於回娘家了......過中秋。搭巴士時訓左一陣, 去到可能認地方, 喊得好勁。平靜左, 帶左波仔佢玩, 玩左一陣, 少見我的家人, 一抱就喊呀
頭細個碌柚
睇我細個的相.....
似唔似我呀??? 我第一張相已經係8個月!!!
走時又喊...
9.12
中秋節快樂!!!
夜晚去99家過節, 玩燈籠好開心呢~~
可惜, 之人有生面口的人抱, 即喊呀, 可能又訓唔夠............要放係BB車由佢自己玩就唔喊喇, 俾件冰皮你食下啦~
呢個星期中段, 好好突然又戒夜奶三日咁多!! (因為前晚又食番5am..) 幾時先一覺瞓番少少?
食奶方面, 越來越叻:
-有聲會八卦扭頭仔望下, 無野睇又扭番黎食。如果爸爸係隔離, 就望住佢笑笑, 所以呢家餵奶時要去似去自修咁, 靜靜靜!
-食完一邊會叫, 再食另一邊。食飽又叫, 再強硬塞俾食就彎晒腰咁...呢家好清楚佢食飽未~
-差唔多夠, 就偷偷地伸食手指入口一齊食奶奶...
手仔又叻左, 之前係左手開始拿玩具, 跟住右手。呢家可以左手拿到, 右手再去接, 仲會雙手一齊去拿~~ 識放入口添~ 幾時先識拎住搖呢?
牙膠好無味呢?
牛仔有得睇, 無得食
呢個搖搖最啱手型~
仲好貪靚, 好like照鏡!!
反身無進展, 最多玩體操
腳周圍踢, 睡姿幾粗路
9.3星期六, 變身做蜜峰仔出街街。呢件衫淘番黎話12m, 都無留意尺寸, 點知我粒豆豉呢家都啱著...下次要睇好尺寸先得!
就黎中秋節, bb都想食冰皮同玩燈籠!! 盒冰皮唔知係咪凍得滯, 掂完即喊!!
這兩個星期繼續吃夜奶一次, 日間我精神麻麻, 四個月後粒豆豉又訓少左, 好唔得閒, 又懶得開電腦打BLOG, SKIP 左一篇週記添…
當左媽媽4個月, 24HRS都同BB一齊, 頭一個月都無咩感覺, 呢家真係覺得BB係我的一忽肉~~我諗我唔捨得放低佢俾人睇住,
自己出街………有時係咪太緊張呢~
呢兩個星期開始食兩邊, 同D便便變番以前咁隔日去, 希望會重少少啦~琴日睇到母乳協會有一段話全母乳寶寶5-6個月先會有2倍體重, 12個月就2.5倍體重, 唯有安慰下自己啦…
8.20
星期六, 99約媽咪飲茶, 好耐無一齊飲喇…..今次多埋粒豆豉!! 周圍都有好多BB, 隔離桌有一個6個月, 另一張又有一個9個月, 好熱鬧~~
差唔多食完野, 阿媽同99抱走左BB出去行下, 無問過我….突然我感覺好似俾人搶走左隻B咁, 好緊張!!
之後我地係平台影下相, 豆豉雖然好眼訓, 但心情好好~~ 返到屋企佢又例牌大昏睡3小時…
8.23
繼續練手手, 錫錫朋友仔~ 笑笑~
8.26
好似想反咁, 好好腳力喎~~
8.27
今日, 痴人地去YAHOO BLOGGERS BB
GATHERING~ 總共有9對MAMA & BB出席, 我地去食沙田的RUBY TUESDAY~一人一個B, 真係好唔得閒, 又要食LUNCH, 又要抱佢, 又要UM佢訓覺, 有D媽媽仲要餵奶, 又要影相, 都無咩時間交流下。咁O岩隔離桌有一班好似係1月7日出世的BB, 好得意呀!!
到3PM, 我同FEON就雞咁腳去一田餵奶, 仲要等房, 好彩BB訓醒八卦未叫肚餓~ 等左一陣都未有房, 見到有位就諗住坐低餵算喇…..隔離媽媽好好人, 話有房喇喎~~ 我地即刻入去…間房都OK啦, 細細地算唔錯。
用左一田個BB磅, 呢日係11磅! (DAY 136)
返到屋企拿拿聲同佢沖涼, 就大昏睡到9PM!! 99唔知我出街, 仲黎左…結果抱左BB 5MIN, 佢就要訓咯~
8.28
因為琴日出左街, BB要休息。我地只係落左樓下商場行下荷花….影下相~~
8.31
今日BB好似想反咯, 訓得幾有型~~~
我身痕又心痕, 自己帶左BB出屯門市中心行左一陣~~ 搭西鐵, BB周圍望, 有個師奶坐隔離LIU佢講UN GU GU, 點知佢即喊, 笑死我….其實果時佢好眼訓, 可能俾人嘈親, 師奶講對唔住~ 我話佢眼訓JE…
諗住去HALLMARK 睇下BB衫, 話拎件二手衫去可以當$100用, 但可以換的衫都太大件~~跟住行下MIDES, D尿褲加晒價, 未生之前買好似$28, 呢家要$50, 我以為我眼花……………諗住買12M用, 呢家果幾件唔知做咩發霉!!!!!! 可能前排落雨乾唔透……咁貴, 可能淘MINIMOTO算咯~
跟住去吉之島超市買晚餐走人咯, 行左45MIN, 要趕番屋企餵奶~~ 全程BB都乖乖訓下望下~~係西鐵臨到元朗站先喊左幾聲!!
