琴晚訓番好D.
好耐都無上天台, 因為要行樓梯, 又迫。今日忍唔住洗左D床單被, 拎上天台晒, 冬天用品都洗得7788, 準備隨時入院。
今朝間唔使有急大大的感覺, 但又去唔到。十二點幾, 試用力少少, 點知見紅, 只係少少血, (我覺得我都唔係好用力....), 嚇左一嚇, 即刻冷靜番, 駛唔駛入院呢?
即刻打俾輝, 無人聽!! 跟住打俾媽咪, 我話無痛, 佢話等幾個鐘睇下點先, 唔駛咁快入院。當時我正準備煮LUNCH, 咁就等下先。
食完LUNCH, 沖埋涼, 一D陣痛都無, B女仲郁來郁去添....
上網睇有人話見紅可以幾日, 亦可以一星期後先生! 有人入院檢查住左2日1夜, 無陣痛, 都只係醫院等.......
唯有等下先, 希望快d痛啦~~~~~
聽日40W喇!!
琴晚訓得唔多好, 醒左幾次, B女猛咁踢, 到清早先再訓過.....又過了一天, 仲未肯出世!
今日無乜特別, 腰又無痛, 肚又伙痛, 睇下書, 上下網又一日, 好彩CINDY打黎同我解悶, 我地都係咁悶, HEHE!
昨晚穿了薄一點的睡衣, 睡眠質素改善了!
每天醒來, 我們都要說: B女, 似乎妳又不是今天出世了!
越來越怕熱, 已經要開風扇!
今天腰有點累, 宮縮也密了一點, 但又不是陣痛.........
心情放像放鬆了一點點, 根據資料顯示:
過了本周如果寶寶還是固定不動，請勿驚慌。只有 5% 的嬰兒會在預產期出生。
電視情境喜劇影集中，懷孕婦女羊水破裂通常很戲劇化：就在分娩那一刻之前。別擔心類似的劇情會發生在妳身上．只有不到 15% 的孕婦的薄膜會在分娩開始前就破裂。今天的TASK是清潔玩具和洗奶瓶、奶PUMP。手頭上有3款奶瓶, 慢慢看說明指引, 這款要烚3分鐘, 那款要烚5分鐘, 洗好後放入雪櫃, 這樣就花了一個下午!
輝的同事的BB出世一星期, 但已經放棄餵母乳, 因為太辛苦了, 2 小時要餵一次....希望我可以緊持!!
B女, 今天又不會是妳的生日!
這兩天的身體變化是頭髮好像回復從前的情況－很容易脫落，在梳頭時，在洗頭時，因為懷孕期快將結束?
清晨時份總是醒來，聽到鳥叫，但要起碼花一小時才再入睡，明顯心情緊張了！
今天終於買了百靈牌的耳探，不同商店的售價都差不多，最後給我們在萬寧買到最便宜的！首先是送40個耳套優惠裝 (價值$40)、今天是10號MAN咭95折、今天星期日中銀咭有9折、再買滿$388送$50萬寧COUPON! 折實是以約$325買到! $50 COUPON剛好用來買多一包尿片。
輝叫我寫點東西表揚99的好, 因為她很愛鍚我們.... 我這個媳婦只是變了令她多了一個女兒, 照顧多一個人! 將來還要照顧多一個BB。
- 我們只要說想吃什麼, 第二天便會在家看到, 而且份量多, 只怕你不想吃 e.g. 我這陣子要喝的梳羅魚湯、黑豆豆漿、腐竹蛋糖水、芝麻糊等等...
- 給我們家打掃, 吸塵、抹窗、抹傢俬、晒衫等等, 有時放工回來會發現有些物品移動過, 就知道雖來過了。有些人可能不喜歡99擅闖屋企, 但我們不介意。
- 在我懷孕期間, 會過來煮飯給我們吃, 不用我們走來走去...
有時, 我覺得她對我們太好, 寵壞了我們!
當然, 我媽媽也對我們好, 例如以前我在觀塘工作, 她會拿湯水給我。
我會是這樣的媽媽嗎??
剛發現, 我爸爸的生日是4月14日(政府預產期), 而99的生日是4月19日 (私家預產期), B女會於這兩天出世嗎? 可以給他們作生日禮物!
到呢個時候, 每晚都好驚會穿水.......多數人都係夜晚半夜黎料。
安然度過一晚後, 就覺得放心好多。但如果過多幾日都唔出黎, 又係好緊張, 唔想催生呀!!
今日媽媽來探我, 一齊去飲茶, 係生前最後一次飲茶, 下一次見應該在醫院吧!!
屋企呢家好有多薑, 大家都整裝待發。
B女, 俾你玩多幾日好出黎喇!!
今天一早9AM去健康院檢查, 首先去麥記食左個早餐~ 一心想食$12唔要薯餅的餐, 見餐牌無寫, 仲以為無添。後來見前面的女仔叫走薯餅, 原來係有, 麥當當真係奸...
之後去檢查, 體重61.1kg, 無乜重過, 姑娘要我量多次, 脫下薄風褸, 只有60.6kg! 比上次61kg還要輕....血壓小便正常。等摸肚, 入到去宮縮, 姑娘聽左心跳, 等佢鬆番先摸到肚, 今次叫我"棟"高雙腳摸頭仔, 佢話位置OK~
最後等姑娘, 解釋體重有少少倒退都正常, 不要多過0.5KG就OK, 我心諗我都0.4KG...爭少少, 都唔知準唔準....下一次覆診係一星期後, 即係40W1D!! 最好唔駛再黎...
之後, 去街市買左D香茅, 經理話坐月時可以代替薑皮煲水, 上網SEARCH下又真係幾多人用同唔會刺激傷口, 雖然99應該準備左好多薑皮。$2 兩枝, 但好似日日都要買....老闆娘叫我買3對.....佢仲問我係咪BB仔? 又估錯喇.
香茅水製作:
http://hk.myblog.yahoo.com/jw!8uRDr9yQEgHjuNIFTk8WKQ--/article?mid=3769
另外, 買左辣椒乾放係衣櫃驅蟲, 要丟晒D臭丸。其實有一個疑問, 小朋友有蠶豆症唔用得臭丸就知道, 咁無事的用唔用得呢? 有D人話用無味的防蟲片, 我用開的都係無味喎.......??防蟲片同臭丸的成份唔係一樣咩??
點都好, 換左放辣椒乾先, 天然D.
健康午餐- 瑤柱瘦肉粥加西蘭花, 好味! 日本輻射問題, 靚瑤柱很難找到呢~
午睡後, 收拾衣櫃, 將睡衣放到最就手的地方, 坐月時足不出戶, 只可穿睡衣, 上班服都放到櫃桶底...
今天收到雪印思敏兒的奶粉, 還有一本BB手冊, 可記錄BB每天的時間表, 印刷精美, 不錯~ 要好好利用~
步行往99家途中, 腹部痛了數分鐘, 但之後又回復正常.......
確定BB的生日不是4月7日。
產假開始
洗BB衫...
跟圖書所列, 上網找古典音樂MP3, 將來間中播放...
看"都市閒情"...
因為家中還有一些烘焙材料快將到期, 預計未來數月都不會有時間做, 今天做了朱古力香蕉麻糬, 搞搞下放入爐就OK
自行晒上芝麻, 試食唔夠甜, 可能因為將糖改用蜜糖 (因為快到期), 吃來似豬仔包.
於是熔了些朱古力上面, 好食好多!!
踏入38W, 肚好似又大左D, 落左D, 但肚圍都無變...
4月1日
在四月媽媽會, 已經有十幾個B在三月出世了。四月到了, 肯定B女不會成為3月BB, 如果四月出世, 最多人不想在4月1日愚人節或4月5日清明節出世, 但如果清明節出世都好, 年年都有紅假放。
我就希望近復活節出世, 輝可以請少幾日假...
今日係"尾二"工作日, 同事跟我FAREWELL, 我地突登出尖沙咀食左個FINE LUNCH, 二百蚊一個人, 有自助沙律吧, 我為食食了少少鵝肝醬, 煙三文魚, 沙律!! 呢D醫生都話唔食得....仲食肉銀扒, 飲檸茶, 食左之後都想食番D涼野......
同經理講起, 因為佢兩胎都開刀, 一定要用束腹帶, 但我SEARCH過順產好似唔駛卦。仲提醒我惡露可能始終好耐, 準備多D扣裝的M巾, 但我只係得一包!! 或都到時去樓下百佳買吧。
似乎最近至HIT台劇真係"犀利人妻", 連我個男同事都推介 (因為佢GF係台灣人), 但佢都叫我唔好睇, 話睇完會懷疑自己老公, 整到我好想睇, 但要追劇, 又有D懶...
晚上, 最後一次生產前回娘家, 之後開始產假應該都唔會出城。姐幫我從中學的師妹 拎左一袋衫和少少二手玩具, 衫我話要3M以上, 仲有睡袋添~ 玩具都幾得意架
Kick & Crawl Aquarium, 幾新淨
第一階段- 訓
第二階段- 趴
第三階段- 爬 (呢個最難砌)
仲有幾件布玩具
4月2日
今日有人買左新電話 Xperia Neo, 可以拍高清片, 第時方便影B女喎!!
今日好好天, 臨生前洗左廳的窗簾, 年幾無洗, 因為太高無拆落黎.....
晚上自己整炒面, 食完坐係SOFA, 無耐個胃即刻頂住, 仲有少少想嘔, 消化功能都差左, 食飽要散少少步先OK!!
