繼續安胎 (23W)

12月20日 復工

今日復工, 係公司都好難唔郁, 一日起碼起十次身去拎PRINT-OUT。但有D同事傾下計又開心過自己係屋企悶好多........

放工搭唔到平日班村巴, 搭了一架要行10MIN先返到屋企, 唯有行慢D...

晚上都係輝係奶奶家拎飯俾我食, 休息多D

12月21日 23W 睇私家, 繼續安胎

今朝起身, 又見到少少紅色, 今次無咁緊張, 唯有請假休息, 輝都請半日假陪我去看私家。等10AM私家開診打電話去講我的情況, 因為今日BOOKING好FULL, 要12:30先有位睇。我們早少少去食LUNCH, 之後便要等。沒有預約的結果是最後一個睇, 等到點幾, 輝要返工都走先了...

今日的體重121.5LBS, 姑娘唔信, 走出來親自幫我量多次, 距離上次覆診約2個月前, 但當時是只115LBS..... (我諗我睇錯了前幾日在醫院的體重 - 115LBS?!)。在懷孕期正常的體重增加24-30LBS, 中期後約每周增加1 磅, 我呢家要KEEP住每周一磅, 唔係就超肥喇...

見醫生, 他幫我檢查下體, 現在沒有出血。再看超聲波, 佢碌得好快, 我都睇唔清, 最後只係PRINT左張長度俾我, 有點失望!! 

頭直徑5.75cm (23W4D)

大腿骨 3.77cm (22W6D)

腹圓周 17.83cm (22W5D)

醫生問我醫院話我咩事, 跟住佢睇住超聲波解釋俾我睇胎盤的位置跟子宮頸的距離, 話唔算好近, 有D人仲近....因為近, 大動作郁便容易出血。

佢話下次少少出血可以在家休息, 如果寫假紙, 可以睇佢或去急症室, 但如果多血, 就要去急症。問佢係咪會升番上去, 佢話呢D遲d先算, 起碼2個月後 (32W)先知個位置需唔需要開刀........仲問埋宮縮同痛係咪正常, 佢話只要唔係好頻密就OK。經過佢的診斷, 人都清楚和放心好多。就係咁, 我放病假放到24/12, 計埋聖誕, 下星期先返工....

無得返工, 無得食公司的冬至飲茶和XMAS PARTY, 要靜靜過聖誕....

12月24日  聖誕禮物

因為呢幾日唔駛返工, 成日都摸住個肚...胎動越來越明顯, 有時仲見到B女打斜踢, 同好似條魚咁游過, 個肚皮有個CURVE, 好得意!!

可能係屋企唔駛郁, 呢家有個胃腩, 唔知係B女的延續定係真係胃腩........慘.

今日, 澳洲的朋友送了UGG BABY BOOT給B, 但好似要2-3歲先著得, 睇下都得意.