添置BB用品 (33W)

呢個星期買左好多新野

睇睇下親子王突然醒覺呢家的玩具好似唔係好O岩玩, 好多搖搖, 要玩D高難度少少的玩具, 於是去左玩具反斗城.

去到玩左個彈彈跳, 上次去BB仲好細, 今次玩得喇! 識彈呀, 好開心~

逛左成粒鐘, 買左Learning Walker 9M+ 和積木 12M+, 呢兩樣野應該有排玩....

但BB仲係好鍾意佢手中的沙錘仔........

唔係好識玩, 只係周圍狂拍

另外, 之前的吹氣浴盆頂晒腳, 唯有買個新盆, 好大個呢.......但呢家BB就要係企缸沖, 我唔可以企係到幫佢, 費力好多!!


Potty! 之前睇過幾百蚊果D, 太貴, 買個普通的, 但幾好坐喎, 好FIT, 第一次用就成功有所出!!

運功中.......

====

呢個星期食了菠菜, 紫心蕃薯, 小棠菜, 豆苗。

漸漸FEEL到性格, 係惡妹一名, 一唔想食就一手拍埋黎, 拿唔穩成碗粥拍左落地........按住手仔想佢食多兩啖, 口都唔開! 呢個下午茶餐水果唔肯食, 食奶前後都唔肯, 一見到隻匙就拍開, 擰開面, 點算.......唔通水果要加落粥???

粥約每餐食到250ML, 如果眼訓, 或唔好食就食少D, 唔係好LIKE甘荀, 最普通的菜心/菠菜+肉就食得最順利.

但係可以好專心玩一樣玩具, 例如公仔的標籤, 公仔的耳仔等等........

呢家似一個人仔, 食食下奶會望下我, 同我講野, 跟住自己繼續食, 好得意!!

仲未識爬, 快D爬啦~~

===

笑得好含蓄



見到我唔駛逗都笑:)



成日伸條脷出黎, 打打!!