距離產假少過一個月, 諗住今日交辭職信。點知問經理時, 經理居然話 HR 呢家要跟足勞工法, 產假之後先計30日通知期, 可用年假, 因為集團要做AUDIT, 好難可以俾人唔係員工都享有產假, 但通知期又唔可以分開兩段時間計 (e.g. 產假前廿幾日, 產假後幾日, 唔駛補錢走)....總結係我要賠約半個月糧走。咁我都無得揀啦, 呢個係最壞的情況...公司的野成日都變, 都慣了, 如果我係HR, 我都會跟足勞工法, 費時麻煩.....
呢家每一日都在倒數要返多幾多日工.......手頭上的工作盡量完成吧
3月12日
星期六, 約左99和媽咪一齊飲茶, 慶祝佢地的舊曆新曆生日。飲完茶之後行左3小時街到, 雖然個肚好大, 但無腰累, 腳就有D累.........
夜晚都在街吃, 點知去個TOILET出來, 發現洗手時拳頭都握唔實, 望下雙手腫左好多....好嚇人...........
俾屋企人睇, 真係腫左, 媽媽都話食晏時好似腫左少少....但我覺得隻腳又無太腫....
可能係行街雙手都係垂低, 無郁過。食左一陣飯, 手就好番少少...
半夜訓睡, 雙手又有相似的感覺, 好硬, 握唔實, 又腫了。訓醒又好DD...
但呢家隻手好明顯唔係腫都肥左D, 以前洗碗戴的手套都戴唔到喇!!
希望腫的情況唔好加劇, 過兩日去健康院檢查要同姑娘講。
3月13日
呢排無意中開始睇下有咩教材第時教BB, 今日去圖書館借左D書講BB腦力發展, NEUROSCIENCE....用咩遊戲可刺激BB發育, 果D咪又係以前大學讀的野!!! 但乜都唔記得晒喇........
要做一個努力陪玩, 同訓練BB的全職媽媽!
我都有手腫呀~次次出街前帶完戒指，行一陣就腫啦~~ 都係握唔到拳頭呀~要握拳頭仲痛痛地。返到屋企用皂液洗都好難除呀
回覆刪除[版主回覆03/14/2011 08:59:00]咁你唔好再戴喇!! 姑娘話架, 唔係到時佢會幫你剪斷佢
NEUROSCIENC...我剛有左時去旅行都買O左本講BB智力發展O既, 佢會分每個月應該同BB做咩EXCERSICE囉, 都好似OK, 不過詳細內容未睇呢!!!
回覆刪除係咪循環唔好? 舉高手有冇用?
回覆刪除[版主回覆03/16/2011 08:39:00]荷爾蒙影響, 唔係做同一個動作太耐就無事~