BB床 (37W)

BB床買左一個月, 今日送黎喇。

嘩, 送到黎覺得好大張, 好彩呢家先到, 唔係無位放...

首先係張0/3 BABY 4" MATTRESS....

未開箱, 寫明馬來西亞造

拆開黎係幾塊板, 無乜新傢俬味喎........ 松木色

花左20MIN到, 兩個人一齊砌好張床, 床同衣櫃得番條GAP, 要做蟹先拎到衫...

反而MATTRESS有D膠味, 吹番一星期後先放吧........ 下星期要重新執好D衫點放, 點樣方便D拎, 仲要熟習換片的位置, 洗手間都要SET好....

下午出去探CINDY, 途經大埔去拎了淘寶的玩具, 原來有一大袋呢~B女真係好幸福, 有咁大張床, 仲有咁多玩具............

大肚婆人人都有不同的苦, 希望快D好番, 訓唔到覺真係好辛苦...... 好耐無見大家, 好好笑, 咁多姨姨摸B女, 仲見到B女郁添~ 下次見大家唔駛隔著肚皮喇!!