坐月後

 

坐完月, 叫做開始做全職媽媽, 暫時是日間時份, 因為有BB落唔到街, 夜晚果餐都係99過來煮...

全日24小時對住B女, 漸漸都摸清楚佢的脾性。

呢家日頭9AM後佢多數唔訓, 眼仔碌碌, 自己玩最多30MIN就叫人抱, 抱抱下唔知點解大叫, 估係肚餓, 雖然餵左奶無耐, 但搞佢唔掂, 都係俾個人肉奶咀最食, 咁佢又就係食架喎....所以我最好9AM前就食完早餐, 唔係就要分段食...

食完早餐, 襯佢唔叫就要開始準備午餐, 好彩的話, 餵完1PM果餐, 佢會訓覺, 咁我都有餐安落飯食, 上下網, 仲可以訓一陣...........

之後可能佢又醒過, 又要服侍佢, 跟住同主人沖涼, 咁到6PM , 99到, 我就可以沖自己的涼...

食飽晚飯, 喊唔喊都好, 交俾佢的爸爸照顧1小時, 我就要訓番一覺, 準備半夜對佢玩....

好彩的話, 佢玩到1AM會訓, 咁半夜起兩次身餵奶, 我都唔係咁辛苦。

第二日的循環又開始過。

第時我要煮埋夜晚, 都唔知點搞...