上月母親節, BB爸爸訂左一個靚靚的雪糕蛋糕一齊食, 仲同嬤嬤婆婆去飲茶 (但我坐緊月又累, 唔想出街無去)。前幾日第一個父親節, 我乜都無準備, 但我地同婆婆去飲茶, 今次仲帶埋BB。茶樓唔怕嘈, BB玩左一陣, 又喊左一陣, 我地輪流抱, 放底佢, 走時佢就訓左, 今次有進步!
-------------------
踏入10星期, BB又有新發展
腳仔有力, 發惡時好似想翻身咁!
開始識望床鈴, 仲可以止喊 (假設佢係扭計而喊) ! 另外我發現另一個止喊方法, 就係扮換片, 拎高佢雙腳, 拍佢PAT PAT, 好得!
認識自己雙手, 仲食手食得好勁, 特別係想訓時! 但我暫時唔想出動奶咀...
上次護士話可以幫佢坐, 等佢練下頸力, 我就成日同佢一齊望街, 無得出都望下!
埋身餵一向都無乜風, 呢家坐直, 如果有風, BB仲自動”UR”出黎, 幾好! 有時見佢想吐奶, 佢自己仲會吞番落去~
---------------
BB成日都好惡, 特別扭眼訓時, 日間小睡成日都唔成功, 又醒訓, 整日訓得10-12小時, 懷疑是給人抱睡慣了。有時抱住行來行去30MIN訓訓地, 放落床會喊, 又訓唔長。最慘係明明眼訓狂喊, 又會俾人問係咪食唔飽, 夠唔夠奶, 食奶粉食飽D好無? 上網研究了一輪, 見到好多媽媽都由BB喊, 但始終無開始實行。
前兩日喊得好勁, 成日小睡得1小時, 我都想發脾氣。於是再搵方法, 開始要訓練BB自行入睡, 忍心D! 睇左個網頁, 講得好詳細!
http://www.wretch.cc/blog/lucklandtw/22615231
食飽左同BB 玩一陣, 見佢打左3個呵欠, 就要俾佢自己訓….第1次試狂喊超過20MIN, 抱起佢等佢冷靜下, 再試, 但好似訓唔好, 不斷出聲, 最多”淺睡”30MIN就醒, 又差唔多時間食奶奶, 失敗! 今日試到第三日, 好似有D進步, 唔會狂喊, 係眼訓叫叫果種, 約15MIN就訓左, 但都係淺睡多。今日試到第三場小睡, 好快訓左....(呢家仲訓緊我先有時間寫BLOG) 希望一星期內會成功! (但呢個訓練只可以係無其他人的情況做, 其他人忍唔到BB喊, 但我就麻木晒~)
網頁講得幾o岩, 如果醒時知道自己係張床, 但訓醒變左係公園, 都要驚, 特別BB淺睡時間多, 所以要令佢自己係張床到訓著….
BB要努力, 咁出街都唔怕喇~訓多D先長肉呀! 而我都多D時間做自己野, 唔駛UM佢訓!!
下一個目標想拉長佢食奶時間, 呢家多數係2.5-3小時一次, 唔知佢係咪少食多餐型。除非佢訓得好耐先試過4小時一次 (好少機會)。
------------
琴日做埋產後檢查, 體重比坐月時再重左1磅幾, 比未生時比左18磅, 點算!
妹~~加油呀~ ^^
回覆刪除[版主回覆06/22/2011 18:06:00]你都唔好令bb訓唔到呀
篇野咁長, 無心機睇, 不過我會記住你提o個個重點: 醒時知道自己係張床 , 但訓醒變左係公園 , 都要驚 18磅都唔少呢, 不過你本來好瘦嘛!!! 我生完醫院無幫我磅, 我都唔sure自己坐月係咪真係重過生完...haha
回覆刪除[版主回覆06/22/2011 18:08:00]總之見佢眼訓好由佢訓啦。我都係健康院檢查時見到果磅走去磅，其實係俾產婦架。
我 亞囝好醒訓,同把要抱住間訓,虔低醒左又喊,好煩呀!
回覆刪除[版主回覆06/25/2011 09:41:00]由佢自己訓，醒左自己訓番，仲試緊，有時得有時唔得
繼續餵人奶, 就會瘦快D, 我D同事好快就KEEP番產前身形
回覆刪除[版主回覆06/25/2011 17:24:00]希望係啦
我失敗o左喇, 佢喊到失o左聲咁滯... 剛剛用包被包到佢成條腸咁實(電話都話過你知我一直無用包被包佢), 邊拍邊唱歌佢訓到喎, 但大前題係我唔知佢係咪本身極眼訓所以我先成功, 等我試多幾次話你知得唔得!!
回覆刪除[版主回覆06/30/2011 19:28:00]等你頂唔順先再試啦，我諗包被有用，但我b周身郁，我用米袋好似得。