戒夜奶。出街街 (17W)

8.4

踏入17周的第一日, 終於戒夜奶喇!! 夜晚十點幾瞓到第二朝七點幾八點, 成晚只係叫叫下, 無喊食。戒夜奶的感覺好奇妙, 已經差唔多四個月無一覺瞓天光, 久違了!

(已經連續7日戒左, 太好了!)

8.6

今日爸爸放假, 我們出尖沙咀玩, 食下 Triple O 用之前團購買的優惠券。天氣好熱, 係柯士甸站落暴曬左5MIN 行到海港城, 要為BB撐傘呢...

呢家出街留意左好多俾BB車/輪椅的設施, 如果坐輪椅真係好唔方便, BB車有時幾級樓梯都可以抬上去, 但海港城入面成日上上落落, 得電梯, 好似淨係得貨LIFT....差。

食野果陣BB自己好乖瞓左30MIN, 跟住就醒左係到食手指, 食足全程, 喊都無喊, 第一次食到手指皺皮呀...

行反斗城...

去左個靚靚餵奶室餵奶, 有獨立房+SOFA, 好嘆。

食飽飽LO~

回程都唔肯瞓, 回到家先大覺瞓, 次次都係咁.

8.8

今日又自己帶BB出去探人地BB, 係一個6月的巨B, 呢家仲重過我B....

4, 5, 6 月BB 由右至左...

去程時瞓左一陣醒左, 去到就埋咁喊都瞓唔到....食完奶玩一陣就喊, 狀態好差呢...

又同Koey 見面喇....玩下腳仔先~~~~

 

 

阿靖俾人踩住.....(睇下黑人地幾多)

回程瞓足1小時, 返到屋企沖完涼即瞓左3小時, 大昏睡, 補番晏晝果D, BB真係叻...

---

呢家好似捉下玩具, 係我迫佢拿的, 佢好似對D玩具無咩興趣喎...BB, 你鐘意玩咩呀?