慢慢地進步 (24W)

BB慢慢地進步中

翻身依然係向右翻, 唔識向左翻

漸漸識拎住搖鈴搖搖下, 明唔明白搖先會響??

接近6個月, 有時小睡睡45 - 60MIN就醒, 仲好精神, 但有時又訓足2HRS, 果日又唔係特別累喎......

星期六因為BB訓覺同99發生不愉快事件, 真抖膽! 話說99中午來拎湯俾我飲, BB正訓覺中, 點知自己醒左, 當時只係訓左45MIN, 99問我BB訓夠未, 我話等一陣先, 因為我準備LUNCH中無理佢.....咁99等左5MIN聽到BB叫就抱佢喇, 玩左一陣BB大喊, 我好唔高興話佢未訓夠, 唔好搞佢, 叫佢放番落床, BB就繼續喊, 我唔俾理佢, 喊左10MIN停左, 99坐多陣就話走喇.........但走左之後, BB唔喊, 自己仲玩到好興奮, 真係訓夠了!! 回想剛才喊, 應係認人所致!

睇下健康院的書仔, 話6個月起小睡會減至2次, 我都要留意下究竟BB係咪想訓呢???

就快要引進固體食物, 好緊張呀, 餐具、學習杯準備好了, 亦買了一盒米糊試下。諗住OK就食粥仔啦, 都唔想食太多即沖米糊......原來食東西係CONIDITIONAL LEARNING, 所以唔好迫BB食野, 唔係令佢有BAD FEELING就越唔想食...

呢個星期忙住淘寶, 今次集運9間店, 付上千元!! 買了EVA 地墊, 冬天睡袋, 仲有D貪靚買的野...好好笑的相!!

幾條毛都要夾

眼神配合...

大得滯

CUTE

俾媽媽玩

自己都要照下鏡

呢個最得意