Happy New Year (38W)

29/12 - 4/1


今個星期, 爬快左好多, 開始識用少少膝頭去爬, 但心口都係貼地.

人地叫名會望向人, 試過如果叫B女無反應.

有好惡, 會選擇, 不喜歡的玩具眼尾都唔望下, 喜歡的 e.g. 搖控, 電話, 相機即搶......

以下公仔最鍾意獅子和牛仔, 其他無興趣.

進食方面, 之前LUNCH都補少少奶, 感覺到其實佢唔係肚餓, 只係飲幾啖, 31/12開始正式三餐奶兩餐粥, 夜晚連瞓9-10小時, 中間會叫下,  但唔駛理  (天氣咁凍我都唔想郁....)

夜晚餐奶唔俾瞓住食, 9:30前要開餐, 最近都可以係11PM前瞓到, 托賴!

1.1

樓友聚會, 有兩個BB一個3歲小妹妹.

一如所料, 無瞓覺, 極痴身, 喊唔到......自己坐係到都玩到一陣, 當我坐係隔離時....過了兩小時, 好似WARM UP左少少, 但我們要走了!!

朋友的BB仔就人人抱都得, 仲超快瞓左..好大對比!! 

印象中上次10月見時都無咁痴我BB囡, 今次又錫又摟, 好LIKE佢呢...反而對BB仔無咩興趣..HHAHA

我逗下都笑架~~~

一邊爬一邊喊, 小朋友都扮BB爬同喊, 好搞笑!!!

對比圖: 大喊包vs 溫文BB





臨走坐西鐵, 終於發生係車上爆喊的一幕, 事源老公打黎, BB見到我電話想要, 我俾佢拎左一陣拎番即喊, 停唔到, 再俾電話都無用....咩都唔要, 企起身都唔得, 最後俾水佢飲, 飲晒!! 咬住枝管瞓左....應該係扭眼訓. 感覺到四周圍的人都望住我和朋友, 一額汗.

1.2

今日回娘家, 好耐無返了!

今日BB狀態唔錯, 雖然都唔肯訓, 但無咩喊, 仲自己爬下坐下玩.

臨走, 去了屋企附近的兒童遊戲室, 好大, 好多軟墊, 可惜去到仲有5MIN就關門, 無機會爬下. 下次再去可以爬下爬坡~~