購物 (26W)

近兩星期隻手指好似腫左DD, 結婚介指都有D緊, 所以無帶喇。為了避免水腫, 夜晚都要KEEP住做產前運動, 還要"LONG"高隻腳訓, 第二朝好似真係無咁腫。

呢兩日好乾燥, 個肚特別係橡筋位好痕, 有少少紋出現了, 唔知係橡筋紋定係妊娠紋, 皮膚太深色都睇唔清...

1月12日 食飯

今日中學同學POPO結婚派帖, 佢未婚夫公司有做奶樽, 好好送左5個俾我。其實我未諗買奶樽住, 買都係買CHU CHU, 但佢話呢個係美國銷量第一, 我要研究下好唔好先, 但都好多謝佢!! 

有人話大肚唔可以去人地喜酒, 我地都唔信, 下個月去飲, 我的肚一定好大喇.......

1 月15日   出手

星期六, 出了去尖沙咀行街。去睇下BAZAAR, 都無野O岩, 仲發現淘寶D野真係平好多, 一模一樣的!! 

都係睇番D貴野, 行左2個鐘, 腰痛.....精打細算下終於出手買左D野俾B女....

1. KINGKOW 睡袋, SALES話可以用到12M, 特價7折。唔太厚, 應該出世時開住冷氣可以用。

2. 馬莎買的特價衫, 0-3M, $50, 見佢平又靚所以買。

3. MOTHERCARE 手套2對, 初生用, 唔會俾指甲弄損自己

想買和尚袍底衫, 但MOTHERCARE和馬莎都無晒SIZE。

1月16日 整理

今朝執好左廳的櫃, 全個櫃都係俾B女的, 應該夠位放啦! ...............呢家暫時得好少野。

呢幾日都好努力淘寶, 4個大肚婆一齊夾份淘, 辛苦要整合的朋友!! 希望咁多花款, 賣家唔好出錯, 好想快D收到!!